U EPAM supracoŭniki vykazalisia za admovu ad karparatyvu. Arhumient — «nie čas śviatkavać»
Supracoŭniki biełaruskaha EPAM nie nastrojenyja na navahodni karparatyŭ sioleta, raskazaŭ dev.by supracoŭnik rehijanalnaha ofisa.
Abmierkavańnie śviata, što maje adbycca, pavodle jaho słoŭ, paŭstała ŭ chodzie bujnych anłajn-mitynhaŭ unutry kampanii, pryśviečanych rełakacyi i praciahu pracy ŭ Biełarusi. Chtości zadaŭ kiraŭnictvu pytańnie pra płany na karparatyŭ — u čacie pasypalisia piarečańni.
— Źjaviłasia vialikaja kolkaść adkazaŭ ad supracoŭnikaŭ nakont niedarečnaści karparatyŭnych śviatkavańniaŭ i pytańniaŭ pra ich u ciapierašniaj situacyi, — kaža čytač. — Maŭlaŭ, ładzić viasielle na pažaryščy niedarečna i nieetyčna, lepiej vydatkavać «śviatočnyja» fondy, kali jany jość, na dapamohu ŭkrainskim kaleham. Viadoma, heta było nie ŭsieahulnaje apytańnie — vykazalisia tolki tyja, chto byŭ rezka suprać, a tyja, kamu było b narmalna, pramaŭčali.
Rašeńnie kampanii pakul nieviadomaje. Ale apošnimi hadami ŭ minskim ofisie EPAM i nie praktykavalisia ahulnyja karparatyvy, kali ja ničoha nie prapuściŭ. Zamiest hetaha prapanoŭvałasia samaarhanizavacca ŭ padraździaleńniach, pakidajučy zajaŭku na płanavanuju kolkaść ludziej — kampanija vyłučała srodki.
Rełakavanyja zvyčajna znachodziacca na asobnych prajektach, u asobnych strukturach, i pierasiačeńni pamiž roznymi łakacyjami — heta pytańnie asabistych suviaziaŭ, a nie pracoŭnych. U mianie, naprykład, takich kantaktaŭ ciapier mała, u asnoŭnym u Hruzii, i pra NH z tamtejšymi kalehami havorka nie zachodziła.
Prosta EPAM zanadta vialiki, kab padtrymlivać prastoru znosin dla ŭsioj kampanii, navat u Yammer jana vielmi ŭmoŭnaja. Z punktu hledžańnia znosin i ŭsiakaj pazapracoŭnaj arhanizacyi, heta padobna da kanhłamieratu vialikaj kolkaści słaba źviazanych kampanij z ahulnym kiraŭnictvam i polisi.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA104
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary