«Razychodzicca dobra». Vydaviec pra knihu źniavolenaha Maksima Znaka «Zekamieron»
«Zekamieron» Maksima Znaka vyjšaŭ z druku. Pradajecca ŭ internet-kramach «Azon» i «Vajłdbieryz». Mahčyma navat dadrukoŭvańnie tyražu. Pra heta na svajoj staroncy ŭ fejsbuku paviedamiŭ hienieralny dyrektar rasijskaha vydaviectva «Vriemia» Barys Pastarnak.
Pavodle słoŭ Barysa Pastarnaka, tvor palitviaźnia Maksima Znaka taksama pradajecca ŭ zvyčajnych rasijskich kniharniach, «kudy paśpieli davieźci».
«Razychodzicca dobra, užo jość zakazy na dadrukoŭku. Kali raptam pračytajecie na sajcie «niama ŭ prodažy», pakidajcie zajaŭku — zaŭtra budzie. Aŭtar u kursie, ale knihi jašče nie bačyŭ. Spadziajomsia, atrymaje ad rodnych z navahodniaj śviatočnaj pieradačaj», — adznačyŭ vydaŭca.
Jon taksama pryvioŭ uryvak z «Zekamierona» — z apaviadańnia «Heta my».
«Siońnia było jaho dziažurstva, i z hetaj nahody jon prezientavaŭ nabytyja na apošniaj atavarcy instrumienty: šuflik <…> anuča dla padłohi. Srodak dla santechniki, pralny parašok (dadać krychu pry myćci padłohi dla śviežaści) i hubki. Usio heta bahaćcie tut udałosia kupić — redkaja ŭdača!
Praz 10 chvilin paśla pačatku ŭborki jon sa ździŭleńniem hladzieŭ na maleńkuju čornuju hradu śmiećcia. Novy «savok» pryjšłosia napaŭniać dvojčy. A ŭčora była dakładna takaja ž kuča. Straciŭšy nadzieju zrazumieć, chto ciahaje śmiećcie ŭ kamieru, jon vyrašyŭ spytać:
— Prybirali ž! Adkul heta ŭsio?
— Dy ty pahladzi: pył z koŭdraŭ, z vaty, drobnyja kavałki tynkoŭki sa ścien, pabiełka źvierchu. Heta my. Heta my pavolna łamajem turmu».
***
Dakumientalny raman jurysta z kamandy Viktara Babaryki Maksima Znaka byŭ jašče viasnoj nadrukavany na ruskaj movie ŭ rasijskim časopisie, paśla čaho nieŭzabavie byŭ pierakładzieny na biełaruskuju movu.
6 vieraśnia 2021 hoda Minski abłasny sud paśla słuchańniaŭ spravy ŭ zakrytym režymie asudziŭ Maksima Znaka da 10 hadoŭ pazbaŭleńnia voli i pryznaŭ jaho vinavatym u stvareńni «ekstremisckaha farmiravańnia» i zmovie z metaj zachopu ŭłady.
-
Cichanoŭskaja: Kali buduć praviedzieny svabodnyja vybary, ja ŭ ich udzielničać nie budu. Ale zaraz nie čas kankuryravać
-
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
-
Šedeŭr Marka Šahała «Nad horadam» upieršyniu pryjedzie ŭ Biełaruś
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie7
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary