«Разыходзіцца добра». Выдавец пра кнігу зняволенага Максіма Знака «Зэкамерон»
«Зэкамерон» Максіма Знака выйшаў з друку. Прадаецца ў інтэрнэт-крамах «Азон» і «Вайлдберыз». Магчыма нават дадрукоўванне тыражу. Пра гэта на сваёй старонцы ў фэйсбуку паведаміў генеральны дырэктар расійскага выдавецтва «Время» Барыс Пастарнак.
Паводле слоў Барыса Пастарнака, твор палітвязня Максіма Знака таксама прадаецца ў звычайных расійскіх кнігарнях, «куды паспелі давезці».
«Разыходзіцца добра, ужо ёсць заказы на дадрукоўку. Калі раптам прачытаеце на сайце «няма ў продажы», пакідайце заяўку — заўтра будзе. Аўтар у курсе, але кнігі яшчэ не бачыў. Спадзяёмся, атрымае ад родных з навагодняй святочнай перадачай», — адзначыў выдаўца.
Ён таксама прывёў урывак з «Зэкамерона» — з апавядання «Гэта мы».
«Сёння было яго дзяжурства, і з гэтай нагоды ён прэзентаваў набытыя на апошняй атаварцы інструменты: шуфлік <…> ануча для падлогі. Сродак для сантэхнікі, пральны парашок (дадаць крыху пры мыцці падлогі для свежасці) і губкі. Усё гэта багацце тут удалося купіць — рэдкая ўдача!
Праз 10 хвілін пасля пачатку ўборкі ён са здзіўленнем глядзеў на маленькую чорную граду смецця. Новы «савок» прыйшлося напаўняць двойчы. А ўчора была дакладна такая ж куча. Страціўшы надзею зразумець, хто цягае смецце ў камеру, ён вырашыў спытаць:
— Прыбіралі ж! Адкуль гэта ўсё?
— Ды ты паглядзі: пыл з коўдраў, з ваты, дробныя кавалкі тынкоўкі са сцен, пабелка зверху. Гэта мы. Гэта мы павольна ламаем турму».
***
Дакументальны раман юрыста з каманды Віктара Бабарыкі Максіма Знака быў яшчэ вясной надрукаваны на рускай мове ў расійскім часопісе, пасля чаго неўзабаве быў перакладзены на беларускую мову.
6 верасня 2021 года Мінскі абласны суд пасля слуханняў справы ў закрытым рэжыме асудзіў Максіма Знака да 10 гадоў пазбаўлення волі і прызнаў яго вінаватым у стварэнні «экстрэмісцкага фарміравання» і змове з мэтай захопу ўлады.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары