Viber narešcie stvaryŭ dvuchfaktarnuju aŭtentyfikacyju. Raspaviadajem, jak jaje naładzić — pakažycie heta starejšym ludziam
Viber šmat hadoŭ źjaŭlajecca adnym z samych papularnych mesendžaraŭ siarod biełarusaŭ, asabliva starejšaha vieku. Ale ŭ jaho była vialikaja zahana — adsutnaść dvuchfaktarnaj aŭtentyfikacyi, jakaja dazvalała biez prablemaŭ kraści akaŭnty na biełaruskich sim-kartach. Raspaviadajem, jak jaje naładzić i abaranić jak vaš akaŭnt, tak i akaŭnty baćkoŭ, babul i dziadul.
Krok 1. Adkryjcie Viber na smartfonie. Naciśnicie na knopku «Jašče».
Krok 2. Naciśnicie «Nałady», dalej — «Kanfidencyjalnaść» i «2-krok pravierka».
Krok 3. Naciśnicie «Stvaryć PIN-kod».
Krok 4. Prydumajcie šaściznačny ličbavy kod. Uviadzicie jaho, a paśla paćvierdzicie.
Krok 5. Kali vy raniej nie paćviardžali vaš email ci nie ŭvodzili jaho, to daviadziecca heta zrabić. Paśla ŭvodu adrasa vam na email pryjdzie spasyłka, jakaja dazvolić vam paćvierdzić adras.
Krok 6. Paśla hetaha dvuchetapnaja autentyfikacyja budzie naładžanaja. Ciapier, kab uvajści ŭ akaŭnt, vam štoraz daviadziecca ŭvodzić pin-kod. Kali niechta pasprabuje jaho padabrać, to ŭ jaho budzie ŭsiaho piać sprobaŭ z adnoj pryłady. Tamu kod musić być davoli nadziejny i nie źjaŭlacca, da prykładu, vašaj dataj naradžeńnia.
Da «dvuchfaktarki» ad vajbiera jość pytańni. Pieršaje — čamuści parol pavinien składacca tolki z šaści litar. Druhoje — čamuści abaviazkova pryviazvać email.
Ale, viadoma, heta vialiki krok napierad dla Viber, jaki ŭžo šmat hadoŭ zapar łajali za adsutnaść funkcyi dvuchfaktarnaj aŭtentyfikacyi, mahčymaść dadać jakuju ŭkaranili ŭsie kankurenty kampanii.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary