Ekanomika

Spravazdača EPAM: prybytak vyras, kamanda i vydatki na rełakiejt — skaracilisia

EPAM pavialičyŭ vyručku i čysty prybytak, ale rezka skaraciŭ vydatki na rełakiejt. Hłabalny štat taksama skaračajecca. Heta vynikaje z finansavaj spravazdačnaści kampanii za treci kvartał, piša Dev.by.

Vyručka

Za lipień-vierasień EPAM atrymaŭ rekordnuju za ŭvieś čas kvartalnuju vyručku — 1,22 miljarda dołaraŭ. U paraŭnańni z trecim kvartałam minułaha hoda vyručka pavialičyłasia na 24%, u paraŭnańni z druhim kvartałam hetaha hoda — amal na 3%.

Vyručka EPAM v 2020-2022 ($ młn)

Sumarna za dzieviać miesiacaŭ vyručka kampanii skłała amal 3,6 miljarda dołaraŭ. Heta ŭsiaho na 160 miljonaŭ dołaraŭ mienš, čym za ŭvieś minuły hod. Adnosna studzienia-vieraśnia 2021 hoda vyručka vyrasła na 35,6%.

Pa vynikach čaćviortaha kvartała EPAM spadziajecca atrymać nie mienš za 1,2 miljarda dołaraŭ. Kali prahnoz spraŭdzicca, hadavaja vyručka kampanii składzie pryblizna 4,8 miljarda dołaraŭ — na miljard bolš, čym letaś.

Prybytak

U druhim kvartale, u tym liku praz kursavyja roźnicy, u EPAM čysty prybytak rezka ŭpaŭ. U trecim kvartale niehatyŭny ŭpłyŭ hetaha faktaru na finansavyja pakazčyki syšoŭ.

Za lipień-vierasień kampanija atrymała prybytak ad kursavych roźnic u pamiery 6,7 miljona dołaraŭ (u trecim kvartale 2021 była strata 3,4 miljona dołaraŭ), a čysty prybytak skłaŭ 156 miljonaŭ dołaraŭ. Heta na 35,6% bolš, čym za toj ža kvartał letaś.

Ale sumarny čysty prybytak EPAM usio jašče adstaje ad letašniaha. Za dzieviać miesiacaŭ jon skłaŭ 264,4 miljona dołaraŭ suprać 339,4 miljona dołaraŭ za taki ž pieryjad 2021.

Dapamoha Ukrainie

EPAM skaraciŭ vydatki ŭ ramkach prahramy humanitarnaj dapamohi Ukrainie, jakaja była zapuščanaja ŭ sakaviku. Za treci kvartał na hetyja mety było vydatkavana 4,5 miljonaŭ dołaraŭ. Dla paraŭnańnia vydatki za druhi kvartał pieravysili 8 miljonaŭ dołaraŭ

Usiaho ŭ ramkach humanitarnaj dapamohi Ukrainie vydatki EPAM skłali 38,5 miljonaŭ dołaraŭ (sa 100 miljonaŭ dołaraŭ pa prahramie).

Vydatki na rełakacyju

Miarkujučy sa spravazdačnaści, EPAM praciahvaje pieravozić supracoŭnikaŭ u roznyja łakacyi. Ale ŭ trecim kvartale vydatki na rełakiejt rezka ŭpali. Za lipień-vierasień jany skłali ŭsiaho 4,4 miljona dołaraŭ. Heta ŭ 4 razy mienš, čym za pieršy kvartał (19 miljonaŭ dołaraŭ), i ŭ 3 razy mienš, čym za druhi kvartał (14 miljonaŭ dołaraŭ).

Usiaho na rełakacyju sioleta EPAM vydatkavaŭ 37,5 miljonaŭ dołaraŭ.

EPAM nie nazyvaje dakładnaj kolkaści supracoŭnikaŭ, jakija praciahvajuć pracavać u Biełarusi. Taksama nieviadoma, kolki śpiecyjalistaŭ biełaruskaha ofisa kampanii było rełakavana sioleta. 

Miž tym na pačatku žniŭnia kiraŭnik EPAM Arkadź Dobkin padzialiŭsia detalami sychodu kampanii z Rasii. Kampanija skaraciła štat u Rasii z 9000+ čałaviek (na kaniec pieršaha kvartała 2022 hoda) da mienš jak 1000 čałaviek. Na kančatkovy sychod patrebny čas, adznačyŭ Dobkin. 

Štat

Hłabalny štat EPAM taksama praciahvaje pavoli skaračacca. U kancy vieraśnia ŭ kampanii pracavała 60,3 tysiačy supracoŭnikaŭ. Heta na 14% bolš, čym u kancy vieraśnia minułaha hoda. Ale za treci kvartał ahulny štat EPAM skaraciŭsia na tysiaču čałaviek, abo na 0,2%. 

Taksama za lipień-vierasień źniziłasia kolkaść vytvorčych śpiecyjalistaŭ — ad 54,8 da 53,9 tysiačy čałaviek.

Raniej Arkadź Dobkin zajaŭlaŭ, što ŭ kancy hoda EPAM płanuje pamienšyć dolu rehijona (Biełaruś+Ukraina) da 30% ad suśvietnych vytvorčych mahutnaściej (vytvorčaha štatu) kampanii. Uletku jana składała 40% (da pačatku vajny było 60% z ulikam ofisa ŭ Rasii).

Kamientary

Ciapier čytajuć

Učora Minsk znoŭ zatapiła. Čamu stalica nie hatovaja da daždžoŭ?4

Učora Minsk znoŭ zatapiła. Čamu stalica nie hatovaja da daždžoŭ?

Usie naviny →
Usie naviny

«Zakazaŭ bolš, čym mašyn na linii». Kiraŭnik «A1 taksi» — pra ceny i biełaruskuju movu ŭ dadatku2

Jak samyja niebiaśpiečnyja narkakarteli śvietu zachoplivajuć Jeŭropu10

Bahaćcie Iłana Maska za adzin dzień skaraciłasia na $34 młrd paśla svarki z Trampam4

Namieśnica redaktara «Minsk-Navin» raskazała, jak źmianiłasia jaje žyćcio paśla šlubu z musulmaninam ź Siryi15

U Kijevie pad rasijskim udaram zahinuli troje ratavalnikaŭ

«Historyja nie vyklikaje davieru». Polšča pieradała Litvie spravu ab mižnarodnaj abaronie biełaruski, jakaja časta jeździła ŭ kamandziroŭki7

«Ja viedaju, što na hetaj vajnie ja zdochnu. Ale chaču stvaryć narmalny šturšok ruchu»: vyjšła druhaja častka filma «Vołat. Žyćcio na nuli»9

U Kazachstanie patłumačyli zahadkavyja ahni nočču nad krainaj

Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin43

bolš čytanych navin
bolš łajkanych navin

Učora Minsk znoŭ zatapiła. Čamu stalica nie hatovaja da daždžoŭ?4

Učora Minsk znoŭ zatapiła. Čamu stalica nie hatovaja da daždžoŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić