Kultura11

Žaŭniery USU zapisali pieśniu «Vulica Žyźnieŭskaha» na biełaruskaj i ŭkrainskaj movach

Uładzimir Niakrasaŭ, lidar ukrainskaha hurta «Baťkivśkij komitiet», vydaŭ novuju pieśniu «Vulica Žyźnieŭskaha» na biełaruskaj i ukrainskaj movach. Praca nad pieśniaj pačynałasia razam z asnoŭnym składam hurta, ale z-za vajny była zavieršanaja z pabracimami Uładzimira pa słužbie va USU. Tekst, zasiarodžany na pamiaci, na abiedźviuch movach napisaŭ paet Aleś Płotka, a čatyry apošnija radki, pohlad u budučyniu, dadaŭ sam Uładzimir Niakrasaŭ, piša «Budźma».

Uładzimir Niakrasaŭ — prafiesijny muzyka pa adukacyi i pa prafiesii. Baćka traich dziaciej, zaraz słužyć va USU u Asobnaj Prezidenckaj bryhadzie imia Bahdana Chmialnickaha ŭ zvańni małodšaha siaržanta.

Kamientuje vykanaŭca: 

«Dla mianie heta pieśnia pra Biełaruś i Ukrainu budučyni, pra krainy, jakija abjadnoŭvaje ahulnaja baraćba za svabodu i luboŭ da rodnaha kraju. Ja ŭpeŭnieny, što pieramoha Ukrainy ŭ hetaj vajnie — heta vialiki kamień u padmurak svabody i niezaležnaści demakratyčnaj Biełarusi. Ščyra vieru ŭ sajuz krainaŭ Mižmorja — Ukrainy, Biełarusi, Polščy i Litvy, liču, što biełarusy — samaja blizkaja ukraincam nacyja pa movie, kultury i baraćbie suprać maskoŭskaha panavańnia».

U videaradzie da pieśni možna ŭbačyć pamiatnuju došku zahinułym biełarusam, jakaja znachodzicca na vulicy Biełaruskaj u Kijevie. Na hety momant jana zaviešanaja tkaninaj praz kontraviersijnyja stasunki pamiž nacyjami i zrazumiełaje sacyjalnaje napružańnie.

Michaił Žyźnieŭski — homielec, hieroj Ukrainy, adna ź pieršych achviaraŭ Jeŭramajdana razam z ukrainskim armianinam Siarhiejem Nihajanam. Pieśnia jaho pamiaci stvarałasia sioleta viasnoj-letam, a paralelna z hetym u červieni 2022-ha ŭ horadzie Navahrad-Vałynski źjaviłasia vulica, nazvanaja jahonym imieniem.

Kamientary1

  • Bychaŭski zamak
    01.11.2022
    Dziakuj, siabry! Žyvie Biełaruś i Słava Ukrainie!

Ciapier čytajuć

Zamiest vajny słany ŭ novaj knizie Sašy Filipienki. I Maskva4

Zamiest vajny słany ŭ novaj knizie Sašy Filipienki. I Maskva

Usie naviny →
Usie naviny

«Žaleznaja zasłona vakoł našaj krainy». Biełarusam usio ciažej atrymać polskija vizy25

«My baimsia zastacca na vulicy». Biełaruska ź dziciem nie moža vylecieć z Dubaja paśla admieny rejsa Fly Dubai1

Kiraŭnikom brytanskaj raźviedki ŭpieršyniu ŭ historyi stanie žančyna — Blejz Mietrevieli1

Biełarus buduje niezvyčajnyja damki na kołach — novy farmat lecišča6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet11

U Vieniecyi pratestujuć suprać viasiella amierykanskaha miljardera Džefa Biezasa4

Pa Minsku prajšła pracesija ź niekalkich tysiač čałaviek2

Ankołah nazvała samyja raspaŭsiudžanyja vidy raku3

Heta Jehipiet? Dom sa śfinksam pad Viciebskam ździviŭ tyktok4

bolš čytanych navin
bolš łajkanych navin

Zamiest vajny słany ŭ novaj knizie Sašy Filipienki. I Maskva4

Zamiest vajny słany ŭ novaj knizie Sašy Filipienki. I Maskva

Hałoŭnaje
Usie naviny →

Zaŭvaha:

 

 

 

 

Zakryć Paviedamić