Pasoł Ukrainy ŭ Biełarusi: Vialikuju niebiaśpieku ja baču ŭ razhortvańni sumiesnaj hrupoŭki vojskaŭ
Ambasadar Ukrainy ŭ Biełarusi Ihar Kizim u hutarcy z Delfi acaniŭ vierahodnaść ustupleńnia biełaruskich vojskaŭ na terytoryju Ukrainy. Jon kaža, što nie vieryć va ŭviadzieńnie biełaruskaj armii va Ukrainu, ale nie vyklučaje ŭdziełu ŭ vajnie biełaruskich vajskoŭcaŭ u składzie sumiesnaj hrupoŭki.
U intervju Delfi Kizim vykazaŭ sumnieŭ, što kiraŭnictva Biełarusi vyrašycca naŭprost adpravić biełaruskaje vojska na terytoryju Ukrainy.
«U samim biełaruskim hramadstvie hety hienatyp suprać zachopnictva — jon ustojany, u adroźnieńnie ad rasijskaha hramadstva, dzie zavajoŭnictva na praciahu ŭsioj historyi było hałoŭnaj krynicaj isnavańnia», — miarkuje pasoł.
Na jaho dumku, lubaja poŭnamaštabnaja ahresija biełaruskaj armii nie budzie pryniataja ŭ hramadstvie.
«Dla mianie asabista heta dastatkovaja padstava ličyć pahrozu nie nadta mocnaj. Ja spadziavajusia na mudraść naroda, i što ŭłada da hetaha prysłuchajecca», — kaža jon.
Ale heta nie značyć, kaža Kizim, što biełaruskija vajskoŭcy niejkim čynam nie buduć udzielničać u napadzie na Ukrainu ź biełaruskaj terytoryi, kali taki znoŭ adbudziecca.
Da taho ž, praciahvajecca vykarystańnie terytoryi, infrastruktury, pavietranaj prastory Biełarusi ŭ intaresach rasijskaj armii.
Vialikuju ž niebiaśpieku pasoł bačyć u razhortvańni sumiesnaj hrupoŭki vojskaŭ.
Jon źviartaje ŭvahu na toje, što niezrazumieła budzie, kali «niešta zdarycca», chto budzie nastupać. «Možna skazać, što heta nie biełaruskaje vojska ŭstupiła, a hrupoŭka vojskaŭ, a chto tudy ŭvachodzić, ci ŭdzielničajuć tam biełaruskija vajskoŭcy — heta pytańnie», — kaža jon.
I tady znoŭ mohuć pačacca «hetyja hulni, što my tut ni pry čym». U takim varyjancie Kizim bačyć bolš pahroz.
«Nie stolki treba bajacca biełaruskaj armii, kolki prysutnaści tut rasijskich vojskaŭ», — reziumuje pasoł.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary