Italija padtrymlivaje poŭnuju admienu vizavych sankcyj ES dla biełaruskich čynoŭnikaŭ
zajaviŭ ministr zamiežnych spraŭ krainy Franka Fracini, adkazvajučy na pytańni žurnalistaŭ pa vynikach svajho vizitu ŭ Biełaruś 30 vieraśnia.
zajaviŭ ministr zamiežnych spraŭ krainy Franka Fracini, adkazvajučy na pytańni žurnalistaŭ pa vynikach svajho vizitu ŭ Biełaruś 30 vieraśnia.
«Italija vystupaje za poŭnaje i kančatkovaje vyrašeńnie dadzienaj situacyi. Treba nie praciahvać u čarhovy raz, a kančatkova admianić hetuju zabaronu», — skazaŭ Fracini.
Takuju pazicyju jon patłumačyŭ, u pryvatnaści, tym, što Biełaruś «demanstruje svaju volu i sihnały da zbližeńnia ź Jeŭrasajuzam».
Pavodle słoŭ Fracini, Italija budzie imknucca abjadnać vakoł siabie krainy, jakija padtrymajuć hetuju inicyjatyvu. «Vieru, što Italija nie budzie adzinaj krainaj, jakaja padtrymaje dadzienuju pazicyju. Nadyšoŭ čas akazać padtrymku namahańniam Biełarusi, jakija jana prykładaje dla zbližeńnia ź Jeŭropaj», — zajaviŭ ministr.
Čakajecca, što ŭ listapadzie Saviet ES budzie razhladać pytańnie ab vizavych abmiežavańniach u dačynieńni da biełaruskich čynoŭnikaŭ.
13 kastryčnika 2008 hoda Saviet ES na ŭzroŭni kiraŭnikoŭ MZS u Luksiemburhu pryniaŭ rašeńnie ab prypynieńni na paŭhoda zabarony na ŭjezd u krainy Jeŭrasajuza Alaksandra Łukašenki i 35 biełaruskich čynoŭnikaŭ. Pry hetym rašeńnie ab zamarožvańni rachunkaŭ 41 biełaruskaha čynoŭnika zastałosia ŭ sile. 16 sakavika hetaha hoda rašeńnie ab prypynieńni sankcyj było pradoŭžana na dzieviać miesiacaŭ.
Prypynieńnie sankcyj nie zakranuła piaciarych słužbovych asob — kiraŭnika Centrvybarkama Lidziju Jarmošynu, byłoha ministra ŭnutranych spraŭ Uładzimira Navumava, byłoha dziaržsakratara Savieta biaśpieki Viktara Šejmana, byłoha kiraŭnika MUS Juryja Sivakova i byłoha kamandzira bryhady śpiecnazu ŭnutranych vojskaŭ MUS Dźmitryja Paŭličenku.
Kamientary