Navat rakavina, jakuju čyściać rehularna, moža pačać śmiardzieć. Pierš čym kuplać kramnuju chimiju, pasprabujcie hetyja prostyja sposaby.
Kapsuła dla myćcia
Jak tolki vy adčujecie niepryjemny pach, jaki vychodzić sa źlivu, pakładzicie kapsułu dla myćcia na ściok. Paśla vielmi pavolna licie na jaho haračuju vadu (važna, kab heta była nie kipiačaja vada). Praciahvajcie rabić heta da poŭnaha rastvareńnia kapsuły. Heta musić pieramahčy niepryjemny pach.
Limon
Inšy efiektyŭny mietad — vykarystańnie limonnaha soku. Dastatkova prosta zalić adnu-dvie šklanki soku ŭ źliŭ i pačakać niekalki hadzin. Heta zabje bolšaść bakteryj.
Recept suprać niepryjemnaha pachu
Charčovaja soda, vocat i sol taksama pryjduć nam na dapamohu. Źmiašajcie charčovuju sodu i sol u praporcyi 1:1, zasypcie ŭ źliŭ, pačakajcie 15 chvilin, a paśla ŭlicie tudy nievialikuju kolkaść vocatu. Niepryjemny pach musić źniknuć.
Jak praduchilić niepryjemny pach z rakaviny?
Kali reštki ježy traplajuć u ściok, u im pačynajuć razmnažacca bakteryi. I chutka jana moža pačać niepryjemna pachnuć. Kab hetaha nie adbyłosia — pastaŭcie sita (filtr) u ściok, jakoje nie daść ježy i inšym pradmietam patrapić tudy.
Kamientary
(Domovienok Kuzia)