Zamačycie nohi ŭ pierakisie vadarodu — i vy pazbaviciesia nadakučlivaj prablemy
Raniej pierakis vadarodu možna było znajści ŭ kožnaj aptečcy, ciapier ža ludzi niaredka karystajucca bolš sučasnymi srodkami dezynfiekcyi. Ale heta nie značyć, što pierakis nam bolš nie patrebny, bo jon moža značna palepšyć vyhlad našych noh.
Nohi — taja častka cieła, na jakuju my časam nie źviartajem uvahi, i heta moža mieć drennyja nastupstvy ad suchich piatak da hrybku. Taksama časta sustrakajecca pavyšanaja patlivaść noh i niepryjemny pach ad ich, piša onet.pl.
Na ščaście, jość dobry sposab palepšyć stan svaich noh. Našy babuli zamočvali nohi ŭ ciopłaj vadzie z haspadarčym myłam, i hety efiektyŭny mietad dahetul papularny, ale my chočam prapanavać vam niešta inšaje. Zamočvańnie noh u pierakisu vadarodu moža pakazacca dziŭnaj idejaj, ale pasprabavać varta.
Hety cudoŭny srodak maje šmat inšych prymianieńniaŭ, akramia abiezzaražvańnia: naprykład, pierakisam možna karystacca jak adbielvalnikam ci jak častkaj u dohladzie chatnich raślin. Čym ža dapamoža zamočvańnie noh u hetym rečyvie?
Pierakis vadarodu miakka źmiakčaje skuru, tamu hetaja pracedura budzie karysnaj dla ludziej z mazalami na piatkach. Bolš za toje, pierakis maje antybakteryjalny efiekt, tamu jon pieraduchilaje mikoz i moža dapamahčy ŭ jaho lačeńni. Taksama, kali ŭ vas urastajuć nohci na nahach, pierakis vadarodu dapamoža kantralavać praces zapaleńnia, a rehularnaje zamočvańnie noh u rastvory pierakisu dapamoža pazbavicca niepryjemnaha pachu.
Jak ža rabić takija vannački? Na paŭtara litra haračaj vady vam spatrebicca 3-4 stałovyja łyžki pierakisu, trymajcie nohi ŭ rastvory kala 5 chvilin. Takaja pracedura moža dapamahčy vam rassłabicca i abstrahavacca paśla ciažkaha dnia.
Kamientary