CNN Türk: Rasija źmiakčaje ŭmovy, pry jakich hatovaja sieści za stoł pieramovaŭ z Ukrainaj
Tureckaja redakcyja ahienctva CNN paviedamiła, što pavodle jaje krynic Pucin hatovy źmiakčyć svaje pazicyi, kab dabicca zaklučeńnie pieramirja z Ukrainaj.
CNN Türk adznačaje, što raniej dla zakančeńnia vajny ŭkrainski lidar Zialenski čatyry razy prapanoŭvaŭ prezidentu Rasii Pucinu pravieści dvuchbakovy samit. Hetuju prapanovu Kijeva Maskva ŭvieś čas adchilała adkazam «niama kankretnaha pytańnia dla kiraŭnikoŭ».
Adnak pierad trochbakovym samitam u Lvovie, pavodle CNN Türk, nazirałasia, što Rasija pačała źmiakčać svaju žorstkuju pazyciju. Pavodle źviestak, atrymanych ahienctvam z rasijskich krynicaŭ, Pucin, maŭlaŭ, namiaknuŭ, što moža nieŭzabavie sustrecca z ukrainskim lidaram Uładzimiram Zialenskim na samicie ŭ Sočy.
Pieršapačatkavia pazicyja Rasii na pieramovach z Ukrainaj: «Spačatku niachaj delehacyi vyznačajuć darožnuju mapu. Niachaj potym lidary praviaduć samit». Ciapier ža, maŭlaŭ, kab spynić vajnu, rasijski bok skazaŭ: «Pa-pieršaje, lidary mohuć abmierkavać i vyznačyć darožnuju mapu. Zatym delehacyi mohuć pačać pracu pa ŭvasableńni hetaj darožnaj karty ŭ žyćcio».
Uvohule toje, što Rasija moža sapraŭdy źmiakčyć pazicyju i imknucca da zaklučeńnia pieramirja, u ciapierašniaj situacyi nie vyhladaje nievierahodnym. Heta dazvoliła b joj atrymać pieradych dla taho, kab zamacavać za saboj zachoplenyja ŭ chodzie vajny terytoryi i padrychtavacca da nastupnaha nastupleńnia. Uličvajučy, što apošnim časam rasijskaje nastupleńnie zatarmaziłasia, a ŭkraincy pry dapamozie sučasnaj zachodniaj zbroi nanosiać paśpiachovyja ŭdary pa tyłach rasijskaj armii, dla Pucina heta mahło b stać časovym hanarovym vychadam ź situacyi. Ale pytańnie, ci pahodzicca na takija ŭmovy Ukraina, jakoj zamarožvańnie kanfliktu jaŭna niavyhadnaje.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary