Vašy salonyja ahurki pustyja ŭnutry? Raskazvajem, jak hetaha nie dapuścić
Kožny amatar salonych ahurkoŭ pieražyvaŭ hetuju žudasnuju scenu — dastaješ doŭhačakanyja ahurki z banki, a jany nie takija smačnyja i miakkija, bo pustyja ŭnutry. Rašeńnie jość, piša onet.pl.
Padychodziać nie ŭsie ahurki
Kab paźbiehnuć rasčaravańnia, pierš za ŭsio staranna vybirajcie ahurki pad zasołku. Pierarosłyja — horkija i niasmačnyja.
Taksama varta źviarnuć uvahu na skurku ahurkoŭ, jakaja moža skazać bolej, čym zdajecca. Važna, kab jana nie była zanadta toŭstaj i vielmi ciomnaj. Heta moža być prykmietaj vysokaj kisłotnaści hleby abo vialikaj kolkaści ŭhnajeńniaŭ pry vyroščvańni.
Taksama isnuje mierkavańnie, što čym bolš «šypastaja» skurka, tym bolš chrustkimi atrymlivajucca ahurki.
Ahurki pavinny być śviežymi i pruhkimi. Kali jany ŭžo pačali vianuć, to i salonyja ahurki buduć niasmačnymi, a ryzyka taho, što jany akažucca pustymi, uzrastaje. Takaja harodnina ŭžo straciła šmat vady, i kansiervavać jaje nie varta.
Padrychtujcie ahurki da zasołki
Pierš za ŭsio, vielmi staranna vymyjcie harodninu i ni ŭ jakim razie nie adrazajcie kancy. Abaviazkova vymačyć ahurki pierad zasołkaj.
Našy mamy i babuli časta zamočvali ahurki pierad zasołkaj, ale ciapier mała chto marnuje na heta čas. I darma!
Spačatku staranna pramyjcie ahurki ŭ chałodnaj vadzie z sollu. Paśla zamačycie ich u salonaj vadzie na termin ad dvuch da šaści hadzin, pierš čym układvać ich u banki. Heta dapamoža praduchilić stratu vady i zachavaje ich pruhkimi i chrustkimi.
Pravilna kładzicie ahurki ŭ banku
Adzin z samych prostych sposabaŭ paźbiehnuć połaściaŭ u ahurkach — ščylna ŭkłaści ich u banku. Pry zasołcy luboj harodniny heta vielmi važny etap. Kali harodnina vypłyvie z rasołu, to zamiest marynavańnia jana prosta sapsujecca. Ščylnaja i kampaktnaja kładka ci navat ubivańnie ahurkoŭ u banki — heta dobry sposab zachavać ich.
Smačna jeści!
Kamientary