Poŭny bolu vierš Nasty Kudasavaj: Ja prašu ciabie, jedź adsiul, ja prašu, biažy!
Paetka apublikavała ŭ svaim fejsbuku novy vierš.
ja prašu ciabie, jedź adsiul, ja prašu, biažy!
choć adnu dušu ad piakielnaje nočy vyratuj!
heta našy, vier, la darohi stajać kryžy,
heta nam z taboj śviežy doł siarod pustak vyryty.
ja prašu ciabie, jedź, ratujsia, biažy adsiul!
tut hadami raskašavali čužyncy-złodziei,
apahańvali naš pačesny pasad, pakul
my śpiavali, spadziavalisia, karahodzili…
ja prašu, nie razdumvaj, nie azirajsia, jedź!
ja nie maju sił hladzieć, jak my nie vynyrvajem,
jak žyvoje niščym, ściaŭšysia pad pavieć,
jak my zabyvajem, što takoje być ščyrymi.
ja prašu, źbieražy čałavieka ŭ sabie, źjazdžaj!
ja ŭžo nie vydužvaju hety bol, nie vypłakvaju…
tut samota, strach, niemata, biednata i žal
usio ciahnuć i ciahnuć narod moj viakoŭ kłaakaju.
a paśla, kali viernucca hołas, luboŭ i słych,
kali zmožam zadychać nanova ŭ suśvietnym verchale,
tady ŭstań, ja prašu, idzi i śviedčy — pra tych,
što nasupierak słabaści hetych radkoŭ nie źjechali.
Ciapier čytajuć
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy18
Kamientary
a kudasava - a što heta?