«Sam pomnik nieŭzabavie prybiaruć». Łukašenkaŭcy raskapali mahiłu bajca Armii Krajovaj pad Bierastavicaj
Miascovyja žychary zaŭvažyli, što mahiłu raskapali. Łukašenkaŭcy zajavili: i sam pomnik prybiaruć.
Kala vioski Ëdkavičy ŭ Bierastavickim rajonie stajaŭ pomnik-kaplička na mahile palakaŭ, jakija zahinuli padčas polska-savieckaj vajny 1919—1920 hadoŭ. Tamsama byŭ pachavany bajec Armii Krajovaj, jaki zahinuŭ 15 lipienia 1944 hoda, za dva dni da vyzvaleńnia Vialikaj Bierastavicy z-pad niamieckaj akupacyi.
Žychary Ëdkavič zaŭvažyli, što plity pierakulili, mahiłu raskapali, a aharodku razvalili.
Kali infarmacyja pra heta razyšłasia pra internecie, adzin z łukašysckich kanałaŭ paviedamiŭ: «Heta sprava ruk rytualščykaŭ (u ramkach rasśledavańnia spravy ab hienacydzie biełarusaŭ) — astanki sałdat pierapachavanyja na mohiłkach u Ejsmantach. Sam pomnik nieŭzabavie prybiaruć».
Takim čynam, pomnik budzie źniščany. Jakoje dačynieńnie mahiła partyzana-akoŭca ci bajcoŭ, palehłych u polska-balšavickaj vajnie, moža mieć dačynieńnie da «hienacydu biełarusaŭ», tłumačeńnia nie dajuć, bo suviazi i nie moža być.
«Nu i što, što heta mahiły palakaŭ, a nie biełarusaŭ — heta častka historyi. Dla biełarusaŭ što palaki, što ruskija, što amierykancy — inšyja. Ale ž sistemna vycirajuć tolki toje, što nie ruskaje i nie savieckaje, — skazaŭ «Našaj Nivie» krajaznaviec z Hrodna, jaki paprasiŭ, kab jahonaha imia nie nazyvali. — Armija Krajova zmahałasia z nacystami, paniesła ŭ tym zmahańni najciažejšyja straty, uspomnicie Varšaŭskaje paŭstańnie. A jaje malujuć nacysckim farmiravańniem. Prosta śmiardziučyja falsifikacyi, jakija majuć na mecie pasvaryć biełarusaŭ z palakami. U biełarusaŭ z palakami byli sprečki, ale vykidać z mahił cieły bajcoŭ, jakija zahinuli padčas vajny, heta ŭvohule što? U «Hod histaryčnaj pamiaci» jaje ścirajuć» — dadaŭ krajaznaviec.
Abjektam ataki łukašystaŭ stała ŭ tym liku Armija Krajova — polskaje padpolnaje farmiravańnie, jakoje viało zmahańnie z nacystami, a paśla 1943 hoda — taksama i z savietami.
Čytajcie taksama:
Armija Krajova ŭ Biełarusi: značnyja apieracyi, viadomyja kamandziry, vostryja pytańni
Hieroi ci bandyty? Čamu śviadomyja biełarusy nie padtrymlivali Armiju Krajovu
-
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
-
Rahačoŭskaha aktyvista Dzianisa Daškieviča abvinavačvajuć u padrychtoŭcy zamachu na dziaciej Cichanoŭskaj
-
Łukašenka, razvažajučy pra dyscyplinu, uviarnuŭ frazu pa-biełarusku
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy11
Kamientary