Recept na vychadnyja. Tradycyjny anhlijski piroh starhiejzi — strava, jakoj vy dakładna ździvicie
Piroh starhiejzi (stargazey) — adna z tych stravaŭ, pakaštavać jakija navažycca nie kožny. Kahości hetaja vypiečka rodam z karnuelskaj rybackaj vioski moža napužać svaim vyhladam, inšyja ž paličać jaje šalona smačnaj.
Fota: BBC Food
Kab zhatavać piroh starhiejzi, vam spatrebicca:
- 30 hramaŭ masła,
- 1 drobna pasiečanaja cybulina,
- 1 drobna narezanaje ściabło cybuli-pareja,
- 3 drobna narezanyja łusty biekonu (vendžanaha abo niavendžanaha),
- 20 hramaŭ muki,
- 3 stałovyja łyžki suchoha biełaha vina,
- 250 mililitraŭ rybnaha bulonu,
- 300 hramaŭ hustych viarškoŭ nie mienš čym 30% tłustaści,
- drobka šafranu (kali jość),
- čajnaja łyžka soli,
- nievialiki pučok śviežaj piatruški (pasiečany),
- 3 jajki (dva ź ich treba zvaryć ukrutuju i narezać, adno — uźbić),
- 200 hramaŭ słojenaha ciesta,
- 6 maleńkich skumbryj (vydalicie ź ich chrybiet i chvost)
- śviežazmołaty čorny pierac,
- dla padačy: varanaja maładaja bulba i zialonaja harodnina.
- Razahrejcie duchoŭku da 200 hradusaŭ.
- Vaźmicie hłybokuju patelniu z mocnym dnom. Rastapicie ŭ joj na pavolnym ahni masła, dadajcie cybulu, parej i biekon. Smažcie ŭsio na pavolnym ahni da vielmi miakkaha stanu, ale nie čakajcie, pakul pradukty stanuć bureć.
- Usypcie muku i smažcie ŭsio jašče chvilinu. Dadajcie biełaje vino i rybny bulon, dobra ŭsio raźmiašajcie, kab nie było kamiačkoŭ, i daviadzicie da kipieńnia. Pamienšycie ahoń i varycie sumieś 5—10 chvilin, pakul jana nie zahuścieje. Dadajcie viarški i znoŭ daviadzicie da kipieńnia, pamiešvajučy pry hetym, pakul u vas nie atrymajecca husty sous. Dadajcie ŭ sumieś šafran, sol i trochi piercu, a taksama piatrušku i zdrobnienyja varanyja jajki.
- Raskačajcie ciesta ŭ płast taŭščynioj prykładna ŭ 3 milimietry. Vyražcie doŭhuju pałosku ciesta ŭ 2 santymietry šyrynioj. Vaźmicie hłybokuju formu dla piraha, namačycie jaje abadok vadoj i pryciśnicie da jaho pałosku ciesta. Nalicie ŭ formu trochi padliŭki i raźmiaścicie ŭ joj skumbryju tak, kab ryby znachodzilisia kala krajoŭ formy. Palicie reštkami padliŭki.
- Vyražycie kavałak ciesta, krychu bolšy za formu, a potym zrabicie ŭ cieście dastatkova vialikija nadrezy, kab praź ich mahli prajści hałovy skumbryi. Aściarožna apuścicie ciesta ŭ formu dla piraha i pamiaścicie rybu ŭ ciesta tak, kab hałovy tyrčali ź piraha. Zmažcie budučy piroh uźbitym jajkam i vypiakajcie jaho na praciahu 40-45 chvilin, pakul vypiečka nie stanie załacistaj i chrumstkaj. Padavajcie piroh starhiejzi z maładoj bulbaj i zialonaj harodninaj.
Recept na vychadnyja. Kłubničnaja paŭłava — lohkaje i dalikatnaje pirožnaje
Recept na vychadnyja. Piersikavy kobler — tradycyjny amierykanski desiert
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary
ŠOStaja dorožka... łučšie vsieho u mienia połučałoś ŠOStym (dietskim) šarykam... ja dumała - eto moj lubimyj raźmier - 9-j... an niet - eto był ŠOSty. a 9-ho tam nie było voobŝie