Kiraŭnik Kijeŭskaj vobłaści: Z boku Biełarusi novaha napadu pakul nie čakajecca
Ukraina pakul nie fiksuje pavyšanaj aktyŭnaści biełaruskich vojskaŭ u pamiežžy, zajaviŭ staršynia Kijeŭskaj abłasnoj administracyi Alaksiej Kuleba padčas pajezdki razam z kiraŭnikom abłasnoj palicyi Andrejem Niabitavym u prymiežnyja rehijony vobłaści.
«Było šmat infarmacyi roznaha płanu, što tyčycca mahčymaści novaha ŭvarvańnia rasijskich vojskaŭ z boku biełaruskaj miažy. Na siońniašni dzień usio ŭ vobłaści spakojna», — kaža Kuleba.
Infarmacyju pra toje, što na pamiežžy ź biełaruskaha boku viaducca jakija-niebudź aktyŭnyja dziejańni, jon nie paćviardžaje.
«Taja infarmacyja, jakuju vy bačycie ŭ sacyjalnych sietkach, nie adpaviadaje rečaisnaści. Situacyja ŭ Kijeŭskaj vobłaści narmalnaja. Usio pad kantrolem sił biaśpieki», — skazaŭ Kuleba.
Ale pry hetym Kijeŭskaja vobłaść, pavodle ŭkrainskaha čynoŭnika, usio ž znachodzicca pad pastajannaj pahrozaj napadu i rakietnych udaraŭ.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary