Da Dnia marskoj piachoty Ukrainy, jaki adznačajecca 23 maja, u krainie vypuściać novuju marku vajskovaj tematyki. Pra heta paviedamiŭ dyrektar Ukrpošty Ihar Śmialanski.
— Tak supała, što na hety dzień prypadaje 40 dzion z momantu «trahičnaj» hibieli rasijskaha krejsiera «Maskva» — dvajnoje śviata. Tamu mienavita 23 maja Ukrpošta vypuścić marku «Ruski vajenny karabiel… Usio!» i pačnie jaje prodaž — napisaŭ Śmialanski ŭ Fejsbuku.
Marka vyjdzie tyražom 5 młn asobnikaŭ u dvuch naminałach: dla adpraŭki pa Ukrainie i dla mižnarodnych adpraŭleńniaŭ.
— Nie treba adrazu zajmać čerhi, čas prodažu i ŭsie detali my abvieścim zahadzia na našych staronkach i na maim TH-kanale ŭviečary 22 maja, — paprasiŭ Śmialanski.
Vypusk pieršaj marki vyklikaŭ vialiki ažyjataž, pa marku vystrojvalisia vialikija čerhi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary