U Rasii ŭklučyli ŭ śpis «inšaahientaŭ» jašče 9 čałaviek, siarod ich Dudź i Šulman
Žurnalist, papularny videabłohier i aŭtar dakumientalnych filmaŭ Juryj Dudź, palitołah Kaciaryna Šulman, hałoŭny redaktar The Insider Raman Dabrachotaŭ i karykaturyst Siarhiej Jełkin uniesienyja Miniustam Rasii ŭ rejestr ŚMI — «zamiežnych ahientaŭ».
U hety rejestr razam sa zhadanymi taksama ŭniesienyja žurnalist Karen Šainian, kiraŭnik psichałahičnaj słužby rasijskaj ŁHBT-sietki Maryja Sabunajeva, fieministka i ŁHBT-aktyvistka Rehina Dzuhkojeva, žurnalisty Alaksiej Siamionaŭ i Kirył Kruhlikaŭ.
U rejestry ciapier 142 jurydyčnych asoby i hramadzianina Rasii, pryznanyja ŚMI-«inšaziemnymi ahientami».
Uklučeńnie ŭ rejestr nakładaje na čałavieka šerah patrabavańniaŭ, u tym liku ab finansavaj spravazdačnaści, a taksama abaviazak markiravać usie svaje zapisy ŭ sacsietkach śpiecyjalnym dysklejmieram. Za parušeńnie pahražaje administracyjnaja, a zatym i kryminalnaja adkaznaść.
Pra pryčyny ŭniasieńnia hetych asobaŭ u śpis rasijski Miniust, jak zvyčajna, nie paviedamiŭ.
Ale mnohija ź ich u apošni čas tym ci inšym sposabam vystupali suprać rasijskaha ŭvarvańnia va Ukrainu. Juryj Dudź dniami apublikavaŭ dakumientalny film «Čałaviek padčas vajny» — pra toje, jak rasijanie ŭ Budapiešcie dapamahajuć ukrainskim uciekačam.
Kaciaryna Šulman na hetym tydni paviedamiła, što źjechała ŭ Bierlin, atrymaŭšy stypiendyju ad adnaho z hiermanskich fondaŭ. Pra adjezd za miažu paviedamiŭ i Siarhiej Jołkin.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary