Hulniu «Što? Dzie? Kali?» ŭpieršyniu za doŭhi čas pakazali nie ŭ žyvym efiry. Mahčyma, bajalisia paŭtareńnia situacyi z płakatam
Intelektualnaja rasijskaja viktaryna «Što? Dzie? Kali?» viarnułasia ŭ efir rasijskaha «Pieršaha kanała» paśla pierapynku. U pieršaj hulni viasnovaj sieryi za stałom akazałasia kamanda «Rasatama» Kanstancina Rudera. Adnak prahrama źviedała hłabalnyja źmieny.
Šou pakazali ŭ zapisie — Pieršy kanał vidavočna pierastrachavaŭsia na vypadak, kali chto-niebudź sa znatakoŭ moža ubiehčy u kadr z płakatam ci skazać što-niebudź lišniaje. Pieradhulniavoj tranślacyi nie było, a z ekrana źnik zvykły dla «Što? Dzie? Kali?» nadpis «žyvy efir».
Viadučy Barys Kruk admoviŭsia ad jašče adnoj tradycyi: hetym razam jon nie abviaściŭ čas pačatku hulni. Nie było i muzyčnaj paŭzy.
Niekatoryja hledačy zaŭvažyli, što zała apuścieła. Alaksandr Druź, Andrej Kazłoŭ, Michaił Skipski i Maksim Patašoŭ prysutničali na zdymkach, a kamandy Barysa Biełaziorava, Aleny Povyšavaj, Lizaviety Aŭdziejenka i Alesia Muchina — nie.
Zamiest ich u palaŭničy damok puścili maładych nounejmaŭ, vierahodna, chutka im pryjdziecca zamianiać tych, chto nie zachacieŭ (ci nie zachoča) asacyjavacca z «Pieršym kanałam».
Źnik i adzin z «miemnych» piersanažaŭ hulni — abaronca telehledačoŭ Dźmitryj Brejtenbichier. Miesca staršaha vice-prezydenta VTB, što trapiŭ pad sankcyi, u zale zaniaŭ dyrektar «Alfa-Banka» Uładzimir Vierchašynski. Jano i zrazumieła: u ŠDK źmianiŭsia sponsar.
Zatoje ciapier, kali znataki niapravilna adkazali na pytańnie, telehladač atrymlivaje ažno sto tysiač rubloŭ.
Ale heta nie źmianiła hałoŭnaha — hulnia pakidaje paśla siabie panuraje ŭražańnie. Rasčaravanyja hledačy ŭžo zapoŭnili fan-supolnaści «Što? Dzie? Kali?» niehatyŭnymi kamientaryjami.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary