Śledčyja vyśviatlajuć abstaviny śmierci Emila Čački, paviedamlaje BIEŁTA.
«Siońnia ŭ pravaachoŭnyja orhany pastupiła paviedamleńnie ab paviešańni Emila Čečki pa miescy pražyvańnia ŭ Minsku. U ciapierašni čas pravodzicca ahlad, kanfiskoŭvajucca rečy, jakija majuć značeńnie dla śledstva», — raspaviali va USK.
Dla ŭstanaŭleńnia dakładnaj pryčyny śmierci pryznačanaja sudova-miedycynskaja ekśpiertyza.
«Śledčym kamitetam razhladajucca ŭsie mahčymyja viersii taho, što adbyłosia, u tym liku hvałtoŭny charaktar śmierci», — dadali ŭ viedamstvie.
Polski sałdat Emil Čečka ŭciok u Biełaruś padčas słužby. Polski bok paviedamlaŭ, što ŭ jaho byli surjoznyja prablemy z ałkaholem.
U Biełarusi jon staŭ instrumientam biełaruskaj prapahandy. Jaho vykarystoŭvali dla raspaŭsiudžvańnia chłuśni, što polskija vajskoŭcy zabivali nielehalnych mihrantaŭ, jakija prychodzili ź Biełarusi.
Apošni raz Emil Čečka źjaviŭsia ŭ publičnaj prastory za dzień da śmierci. Łukašenkaŭskija psieŭdapravaabaroncy vykłali videa, u jakim Čečka z telesuflora začytvaje, što va Ukrainu jeduć vajavać «polskija fašysty».
«Na zachadzie ja rasstrelvaŭ hrupy mihrantaŭ u kolkaści prykładna dvaccaci čałaviek štodnia». Čamu Emil Čečka dahetul na svabodzie i navat daje pres-kanfierencyi?
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2020
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»20
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary