Chto hety pałkoŭnik, što miamlić na rasijskim TB? Heta ž Jeranasian: fryk, «piśmieńnik», čarnasocieniec i pramoŭtar minskaha kazino
U siecivie virusicca videa z rasijskaha prapahandysckaha telekanała «Źviezda»: niejki vajskoviec u formie sprabuje ŭšanavać pamiać zabitych va Ukrainie sałdat chvilinaj maŭčańnia, ale jaho rezka asadžvaje miascovaja viersija Azaronka. Viadučy z krykami «Heta tryumf ruskaj zbroi!» zatykaje rot čałavieku ŭ formie. Čamu vajskoviec pavodzić siabie tak niaŭpeŭniena? Mahčyma tamu, što heta Uładzimir Jeranasian, čałaviek šmatlikich talentaŭ: hulec u KVZ, śpiavak pad psieŭdanimam Frontman, aŭtar «kryminalnych misteryj» i knižak pra Danbas… Karaciej, chto zaŭhodna, ale nie bajavy aficer. Nie čužy hety telepiersanaž i dla našaj ziamielki. U Biełarusi jon ažaniŭsia, zdymaŭ trešavyja klipy i prasoŭvaŭ kazino.
Uładzimir Jeranasian naradziŭsia ŭ rasijskim Batajsku, advučyŭsia ŭ Lvoŭskaj vyšejšaj vajskova-palityčnaj vučelni na fakultecie žurnalistyki. Paśla pracavaŭ karespandentam fłockaj haziety, u 1990-ch hulaŭ u KVZ u kamandzie «Eskadron husar», niejki čas vykładaŭ žurnalistyku ŭ Vajskovym univiersitecie rasijskaha Minabarony. U vyniku navat atrymaŭ zvańnie pałkoŭnika.
Ale ž, «biednaja vajennaja płata i tvorčyja ambicyi padšturchnuli Uładzimira Jeranasiana da piśmieńnickaj pracy i pracy šoŭmiena», piša pra jaho niejki anałah vikipiedyi (aŭtar nieviadomy, ale jość padazreńni).
Jeranasian napisaŭ niekalki knižak, niekatoryja avanturna-kryminalnyja (jak «kryminalnaja misteryja «Chrosnaja maci»), niekatoryja ŭchvalajuć dziejańni ruskaha śvietu na Danbasie («Kałarady»). Niekatoryja šedeŭry vychodzili pad psieŭdanimam «Uładzimir Viera».
Kali ŭ Rasii zabaranili kazino, Jeranasian pierabraŭsia ŭ Minsk, dzie ažaniŭsia na biełaruskaj dziaŭčynie. Jon staŭ prasoŭvać minskija kazino, kazaŭ, što Minsk stanie novym Łas-Viehasam.
Taksama naš hieroj zaśpiavaŭ pad psieŭdanimam Frontman.
Pacichu ad razmachvańnia dalarami i napisańnia «hłamurnych bajavikoŭ» Jeranasian pierajšoŭ da chvalavańnia za Rasiju. Pačaŭ pisać knižki pra supraćstajańnie Rasii i Zachada, vykazvacca pra palityku, hanić niezaležnuju Ukrainu. Apošniaje asabliva ździŭlaje, uličvajučy, što Jeranasian vučyŭsia ŭ Lvovie i pieršaja jaho žonka była ŭkrainkaj. Darečy, minskuju prezientacyju adnoj ź jaho knižak atrymałasia admianić.
Praŭda, treš-klipy zdymać Jeranasian nie kinuŭ. Ale taksama źmianiŭ farmat — ciapier u jaho videa vyśmiejvajuć niehraŭ i pahražajuć Zachadu:
Ciapier, jak bačym, Jeranasian nie tolki pieraabuŭsia, ale i pieraapranuŭsia: načapiŭšy formu, vystupaje ŭ rasijskich tok-šoŭ. Pakul što trymaje ŭzrovień — vajskoviec ź Jeranasiana taki ž, jak i śpiavak.
Čytajcie taksama:
Hajdukievič, Dźmitryjeŭ, Dzierman: top-25 ekśpiertaŭ, jakich zaprašajuć na dziaržaŭnaje telebačańnie
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary