Praz skarhi aburanych biełarusaŭ «Biełkniha» admianiła sustreču z čarnasociennym rasijskim piśmieńnikam
Historyjaj pośpiechu hramadzianskaj supolnaści padzialiŭsia ŭ svaim fejsbuku biełaruski kulturołah Vadzim Mažejka.
Napačatku maja jon źviarnuŭ uvahu na rekłamnyja biłbordy ŭ Minsku, jakija anansavali sustreču z rasijskim piśmieńnikam Uładzimiram Jeranasianam — hety čałaviek viadomy pieradusim jak radykalny praciŭnik niezaležnaści Ukrainy.
Jeranasian — armianin pa nacyjanalnaści. Niekalki hadoŭ tamu hety ŭradženiec rasijskaha Batajska ažaniŭsia ź biełaruskaj, tamu pierajechaŭ u Minsk. Jaho davoli časta zaprašajuć na tok-šou na dziaržaŭnyja telekanały. Jeranasian plažyć Jeŭrasajuz i chvalić Rasiju.
«Lejtmatyŭ: amiery raspalili varažnieču pamiž braterskim narodam… Z ukraincaŭ robiać vajskovy avanhard dla vajny z braterskaj krainaj. … militaryzavanaj kučcy ŭkrainskaha naroda, što staŭ pad charuhvy maryjanietak… Terytoryja «niezaležnaj» — tolki płacdarm dla razbureńnia hanarlivych słavian… Pryśviačajecca ŭsim dabraachvotnikam, jakich nazyvajuć «kałaradami», usim apałčencam, prazvanym «vatnikami», «kacapam i maskalam», — pryvodziŭ Mažejka cytaty z knih Jeranasiana, aburajučysia tym, što dla sustrečy z čarnasocienskim hastraloram dziaržaŭnaja «Biełkniha» pradastaŭlaje pamiaškańnie.
Na svajoj staroncy ŭ fejsbuku Mažejka prapanavaŭ pisać listy da dyrektara «Biełknihi» z patrabavańniem skasavać mierapryjemstva.
Adkaz pryjšoŭ davoli chutka — mierapryjemstva admianili.
Pakazalna, što ŭ kamientaryjach na staroncy Vadzima Mažejki na bok piśmieńnika staŭ tutejšy telepiersanaž Piotr Piatroŭski, jaki davodziŭ, što zabarona na vystup parušaje svabodu słova, na što Mažejka adkazaŭ jamu, što samaje trapnaje miesca dla takich schodaŭ — «Dom Maskvy», a nie aficyjnaja kniharnia dziaržavy, jakaja ŭ kanflikcie susiedziaŭ staić na niejtralnych pazicyjach.
U kamientary «Našaj Nivie» kulturołah zaŭvažyŭ, što ŭ dadzienaj situacyi hałoŭnuju rolu adyhraŭ, najchutčej, sam fakt zvarotu.
«Ja dumaju, što ŭ «Biełknizie» spačatku prosta nie prahuhlili, kaho jany zaprašajuć, tamu zvaroty ŭ niejkaj stupieni raspluščyli im vočy. Mahu padumać, što našym uładam nie patrebnyja siońnia vystupy adyjoznych asob. A kolki zvarotaŭ było? Mo dziasiatak, mo niekalki dziasiatkaŭ», — skazaŭ Pavał Mažejka.
Nahadajem, što sustreča ź jašče adnym impierskim piśmieńnikam i prapahandystam Mikałajem Starykavym u Minsku pačałasia z patasoŭki.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary