«Zapalenyja ambicyi asobnych jeŭrapiejskich hulcoŭ, zafarbavanyja kamiercyjnymi intaresami, pačynajuć jašče bolš pulsavać». Tak pres-sakratar MZS Biełarusi Anatol Hłaz prakamientavaŭ rasijskamu vydańniu Sputnik novyja sankcyi ES ‒ da sankcyjnaha śpisu dadalisia «Bank raźvićcia» i «Bank Dabrabyt».
Sputnik zapytaŭ u Hłaza, čamu novaje rašeńnie ES ab abmiežavalnych mierach nie atrymała šyrokaj ahałoski. Rašeńnie ab pašyreńni sankcyjnaha śpisa było pryniataje 18 lutaha i apublikavanaje ŭ aficyjnym časopisie Rady Jeŭrasajuza. Da padsankcyjnych «Biełarusbanka», «Bielinviestbanka» i «Biełahraprambanka» dadalisia «Bank raźvićcia» i «Bank Dabrabyt».
Hłaz adkazaŭ, što šyrokaja ahałoska «jeŭrabiurakratam niavyhadnaja».
«Jany ž vydatna razumiejuć, što pierajšli ŭžo ŭsie miežy. Tamu i momant byŭ vykarystany śpiecyjalna, kab strymana zrabić usio pa-cichamu», — skazaŭ jon.
Pavodle Hłaza, čynoŭniki ES «pad vyhladam niejkich techničnych karekcirovak de-fakta pašyryli sankcyi ŭ dačynieńni da Biełarusi».
«18 lutaha dakumient publikujecca, a 19 lutaha, u subotu, jon užo ŭstupaje ŭ siłu, — źviartaje ŭvahu Hłaz. — U vyniku ŭ pakiet trapili dźvie novyja jurydyčnyja asoby, a mahčymaści asprečvańnia ŭsich uviedzienych abmiežavalnych mier u sudzie ES byli śpiecyjalna uskładnienyja».
Hłaz u svaim kamientaryi źviarnuŭsia da viaršenstva zakona.
«Voś tak na spravie pracujuć pryncypy viaršenstva prava, pravy na spraviadlivaje raźbiralnictva i hetak dalej, što prasoŭvajuć jeŭrapiejcy. Vidavočna, što na heta im plavać, kali treba vyrašać svaje mierkantylnyja zadačy. Taksama, jak i im niama spravy da tych kankretnych biełarusaŭ, chto pacierpić ad hetaha valuntaryzmu», — skazaŭ jon.
Hłaz ličyć, što jeŭračynoŭniki «prakrucili ŭsio «pad suknom» biez sklikańnia kirujučych palityčnych orhanaŭ ES».
«Pa sutnaści, voś jon, čarhovy sankcyjny pakiet, choć i prysypany dla maskiroŭki niejkimi techničnymi rehłamientami», — kaža Hłaz.
Pavodle jaho, hety krok nakiravany na praciah cyničnaha i chałodnaha płana pa paharšeńni dabrabytu biełarusaŭ, naniasieńni škody našym subjektam haspadarańnia i ich rabotnikam.
Adnak, padkreślivaje pres-sakratar MZS, hetaha nie adbyvajecca, tamu «zapalenyja ambicyi asobnych jeŭrapiejskich hulcoŭ, zafarbavanyja kamiercyjnymi intaresami, pačynajuć jašče bolš pulsavać».
Hłaz paabiacaŭ adekvatnyja miery ŭ adkaz.
Ale «jašče raz» zaklikaŭ ES źmianić «hetuju kanfrantacyjnuju, ahresiŭnuju, «vajaŭničuju» palityku.
«Debiły, bł****». Zhadali samyja skandalnyja vykazvańni rasijskich dypłamataŭ
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary