Pradstaŭnik Cichanoŭskaj pa vybarach: Ad stvareńnia vybarčych učastkaŭ za miažoj admaŭlajucca, bo tam niemahčyma zabaranić ekzit-poły
Śpiecpradstaŭnik Śviatłany Cichanoŭskaj pa pytańniach vybaraŭ Alaksandr Šłyk prakamientavaŭ dla «Našaj Nivy» rašeńnie biełaruskich uładaŭ całkam admovicca padčas praviadzieńnia refierendumu ad stvareńnia vybarčych učastkaŭ za miažoj.
Alaksandr Šłyk adznačyŭ:
«Admova ad adkryćcia ŭčastkaŭ za miažoj, viadoma, faktyčna abmiažoŭvaje mahčymaści dla hramadzian Biełarusi realizavać svaje pravy.
Pa roznych acenkach za miažoj znachodziacca da paŭmiljona hramadzian, bolšaść ź jakich vałodaje vybarčym pravam.
Treba budzie ŭvažliva sačyć za tym, što budzie adbyvacca ź imi ŭ śpisach vybarščykaŭ.
I jašče chaču nahadać, što ŭ 2020 vyniki ekzit-połaŭ za miažoj radykalna adroźnivalisia ad aficyjnych vynikaŭ na takich učastkach. Na terytoryi RB takich razychodžańniaŭ niama, tamu što niama ekzit-połaŭ».
MZS Biełarusi, tłumačačy admovu ad stvareńnia vybarčych učastkaŭ za miažoj, nazyvała takija pryčyny, jak niedachop supracoŭnikaŭ u ambasadach, małaja kolkaść hramadzian, jakija stajać na konsulskim uliku, niebiaśpieka karanavirusa i navat «terarystyčnyja i ekstremisckija» pahrozy.
Nahadajem, jak na zamiežnych učastkach hałasavali padčas prezidenckich vybaraŭ 2020 hoda.
U mnohich pasolstvach i konsulstvach Biełarusi za miažoj hałasy tady paličyli sumlenna. Tak, u Ńju-Jorku Śviatłana Cichanoŭskaja pa aficyjnych źviestkach atrymała 93,2%, u Miunchienie — 91,7%, u Tel-Avivie — 91,5%, u Łondanie — 80,1%, u Rymie — 79,7%, u Stakholmie — 75,6%. Ale varta adznačyć, što ekzit-poły, jakija pravodzili biełarusy zamiežža, davali joj navat 95% hałasoŭ.
Na ŭčastkach u Rasii Cichanoŭskaja prajhrała, ale nieistotna: u Sankt-Pieciarburhu Cichanoŭskaja nabrała 45,8%, a Łukašenka - 51,1%. Prykładna toje ž samaje było i ŭ Maskvie. Pry hetym tam u asnoŭny dzień hałasavańnia sotni ludziej nie zmahli prahałasavać — učastki pracavali vielmi marudna.
Čytajcie taksama:
Vybarčych učastkaŭ za miažoj padčas refierendumu nie budzie. Mała ludziej, karanavirus, «terarystyčnyja pahrozy»…
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie5
Kamientary