Prezident ZŠA Donald Tramp pastaviŭ pad sumnieŭ tradycyjnuju interpretacyju 5-ha artykuła Damovy ab stvareńni NATA, jakaja harantuje kalektyŭnuju abaronu krain-udzielnic u vypadku napadu na adnu ź ich.
Padčas razmovy z žurnalistami na borcie prezidenckaha samalota Air Force One Trampa spytali, ci paćviardžaje jon abaviazacielstvy ZŠA adnosna sajuźnikaŭ pa NATA pavodle hetaha artykuła.
Na heta jon adkazaŭ, što «ŭsio zaležyć ad taho, jak vy jaho traktujecie», i adznačyŭ, što jość šmat roznych interpretacyj hetaha punkta.
Taksama prezident ZŠA dadaŭ, što siabruje z mnohimi lidarami krain NATA i hatovy im dapamahać. A na dadatkovaje pytańnie pra hatoŭnaść abaraniać sajuźnikaŭ zajaviŭ, što vystupaje za «zachavańnie žyćcia i biaśpieki ludziej», ale daść dakładny adkaz pra svaju traktoŭku artykuła 5 tolki paśla prybyćcia na samit NATA, a nie padčas palotu.
Artykuł 5 źjaŭlajecca asnovaj isnavańnia NATA z časoŭ «Chałodnaj vajny» i vyznačaje pryncyp kalektyŭnaj abarony: napad na adnu krainu razhladajecca jak napad na ŭsich.
Tramp užo raniej krytykavaŭ sajuźnikaŭ ZŠA za toje, što jany, maŭlaŭ, niedastatkova finansujuć svaju abaronu i zanadta spadziajucca na padtrymku Vašynhtona.
Tramp zajaviŭ pra žadańnie ździełki z Rasijaj. A ŭ Zialenskaha jon zapytaje, što ŭ taho čuvać
Tramp — Iranu i Izrailu: Jakoha djabła jany heta robiać?
Tramp paraiŭ Dźmitryju Miadźviedzievu nie kidacca słovami pra jadziernuju zbroju
«Bury, dzietka, bury!!!» Tramp adreahavaŭ na rost cen na naftu paśla ŭdaraŭ pa Iranie
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary