Prezident ZŠA spačatku zajaviŭ, što Izrail nie płanuje nanosić udary pa Iranie. Da hetaha amierykanski lidar pravioŭ telefonnuju razmovu z premjer-ministram Izraila Bińjaminam Nietańjachu.
«Usie samaloty raźviarnucca i nakirujucca dadomu, adnačasova zrabiŭšy družalubny sihnał Iranu. Nichto nie pacierpić, spynieńnie ahniu ŭ sile! Dziakuj za ŭvahu da hetaha pytańnia!» — napisaŭ Tramp na svajoj staroncy ŭ Truth Social.
Adnak vierahodna paśla Tramp u razmovie z žurnalistami pierad adjezdam na samit NATA ŭ Haazie taksama skazaŭ: «Ja nie viedaju, jakoha djabła jany heta robiać! <…> Mnie heta nie padabajecca. Jak tolki ja z vami raźvitajusia, pahladžu, ci zmahu ja heta spynić».
Paźniej amierykanski prezident patelefanavaŭ izrailskamu premjeru. Pavodle słovaŭ reparciora Axios Baraka Ravida, Tramp paprasiŭ Nietańjachu zusim nie pravodzić ataku na Iran. U adkaz Nietańjachu skazaŭ, što nie moža admovicca ad udaru, bo «nieabchodny adkaz» na parušeńnie Iranam režymu spynieńnia ahniu. «U kančatkovym vyniku było vyrašana admianić udary pa vialikaj kolkaści celaŭ i nanieści ŭdar tolki pa adnoj celi», — napisaŭ Ravid u sacsietcy Ch sa spasyłkaj na izrailskaha čynoŭnika.
Iranskaje ahienctva ISNA paviedamlaje, što Izrail nanios udar pa vakolicach haradoŭ Babol i Babalser na poŭnačy Irana, čutnyja vybuchi. Izrailski Ynet piša, što metaj ataki byŭ radar iranskaj SPA. Izrail abraŭ takuju «simvaličnuju metu» na poŭnačy, a nie paraniŭ stalicu Tehieran, kab pakazać — «Izrail nie zdaŭsia», piša partał.
Ynet adznačaje, što sprečka pamiž izrailskim i amerykanskim bakami ŭźnikła z-za «niedarazumieńnia» adnosna charaktaru spynieńnia ahniu i daty jaho ŭstupleńnia ŭ siłu. Padobna, što pieramirje pavinna było pačacca prykładna ŭ 4:00 ranicy, ale detali, vierahodna, «nie byli vyrašanyja kančatkova».
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary