Tramp zajaviŭ pra žadańnie ździełki z Rasijaj. A ŭ Zialenskaha jon zapytaje, što ŭ taho čuvać
Pra svajo žadańnie zaklučyć ździełku z Rasijaj prezident ZŠA Donald Tramp skazaŭ reparcioram na borcie samalota, jaki nakiroŭvajecca na samit NATA ŭ Niderłandy.
Donalda Trampa paprasili prakamientavać farmuloŭki pra Rasiju ŭ kamiunikie, jakoje moža być padrychtavanaje pavodle vynikaŭ sustrečy lidaraŭ krain NATA.
«Ja pavinien zirnuć na heta. Ale ja b chacieŭ pabačyć ździełku z Rasijaj. Jak vy viedajecie, Uładzimir [Pucin] patelefanavaŭ mnie. Jon skazaŭ: «Ci mahu ja dapamahčy vam ź Iranam?» Ja adkazaŭ: «Nie, mnie nie patrebna dapamoha ź Iranam. Mnie patrebna dapamoha z vami». I ja spadziajusia, što nam udasca zaklučyć ździełku z Rasijaj», — zajaviŭ Tramp.
Taksama jon skazaŭ pra svoj namier sustrecca ŭ kułuarach samitu NATA z prezidentam Ukrainy Uładzimiram Zialenskim:
«Tak, vierahodna, ja ź im pabačusia».
Na pytańnie, što jon skaža Zialenskamu, kiraŭnik Biełaha doma adkazaŭ:
«Ja skažu: «Što čuvać?» Jon znachodzicca ŭ składanaj situacyi, jamu nie varta było tudy traplać».
U aŭtorak uviečary Zialenski i Tramp razam z usimi inšymi lidarami dziaržaŭ buduć prysutničać na viačery, arhanizavanaj karalom Niderłandaŭ.
Tramp — Iranu i Izrailu: Jakoha djabła jany heta robiać?
Tramp: Izrail nie źbirajecca atakavać Iran. Spynieńnie ahniu ŭ sile
Jarmak abmierkavaŭ z Rubia budučuju sustreču Zialenskaha i Trampa
Tramp zajaviŭ ab spynieńni ahniu pamiž Iranam i Izrailem
«Bury, dzietka, bury!!!» Tramp adreahavaŭ na rost cen na naftu paśla ŭdaraŭ pa Iranie
Kamientary
Nu posmotrim kak Donaldu udastsia sdiełka s rośsijej.