Kim Čen Yn, vidać, addaŭ zahad na budaŭnictva najbujniejšaha zbrojevaha zavoda Paŭnočnaj Karei. Pra heta śviedčyć analiz spadarožnikavych zdymkaŭ amierykanskaj kampanii Planet Labs, paviedamiŭ ńju-jorkski časopis Newsweek.
Niepadalok ad miesca novaj vytvorčaści ŭžo isnuje adzin vajskovy zavod, ale novy musić jaho zacianić.
Pradukcyja novaha zavoda pryznačana, vierahodna, nie stolki dla Paŭnočnaj Karei, kolki dla rasijskaj armii. Kiraŭnik karejskaha biuro Fondu Frydrycha Naŭmana ŭ Sieule Frederyk Spor tłumačyć vydańniu Bild:
«Ekspart zbroi ŭ Rasiju staŭ dla paŭnočnakarejcaŭ nadzvyčaj važnaj krynicaj dachodu. […] Pakolki ŭkraincy vyvieli z ładu častku rasijskich dalniemahistralnych bambardziroŭščykaŭ, ź jakich Rasija zapuskała svaje kryłatyja rakiety, mahčyma, što rasijanie zrobiać staŭku na balistyčnyja rakiety naziemnaha bazavańnia — a paŭnočnakarejcy pastaŭlajuć takija rakiety, u pryvatnaści svaju balistyčnuju rakietu małoj dalokaści KN-23».
Pavodle danych ministerstva abarony Paŭdniovaj Karei, vytvorčaść bojeprypasaŭ u Paŭnočnaj Karei letaś išła poŭnym chodam; kraina pastaviła rasijskim vojskam miljony snaradaŭ i mnostva rakiet.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary