Biełarus, što žorstka ŭdaryŭ paŭtarahadovaha chłopčyka ŭ maskoŭskim aeraporcie, byŭ pad narkotykami
31-hadovy Uładzimir Vitkoŭ prylacieŭ z Kaira, a nie Kabuła, jak paviedamlałasia raniej.
U zonie atrymańnia bahažu jon raptam padyšoŭ da afhanskaj siamji, jakaja prylacieła z Kabuła, schapiŭ paŭtarahadovaha Machamada Afzała, što stajaŭ kala valizki, padniaŭ nad saboj i potym z usiaho razmachu kinuŭ jaho hałavoj ab padłohu.
Potym adzieŭ akulary i adyšoŭ. Pavodle słoŭ vidavočcaŭ, pryčyn dla ahresii ŭ mužčyny nie było, piša 112.
Vitkova zatrymali, a dzicia ekstrana špitalizavali ŭ centr Rašala. Tam u jaho dyjahnastavali pierałom chrybietnika i čerapa.
Mały znachodzicca ŭ komie. Pry miedycynskim ahladzie było ŭstanoŭlena, što Vitkova ŭ kryvi vyjaŭleny ślady kanabisu.
Matyvy žorstkaha ŭčynku vyśviatlajuć śledčyja. Zaviedziena kryminalnaja sprava.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary