«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
U intervju «Našaj Nivie» vykładčyca Natalla Dulina raspaviała pra palitźniavolenych žančyn, ź jakimi sutykałasia ŭ homielskaj kałonii. Jana nastojvaje na tym, što ich varta terminova ratavać praz drenny stan zdaroŭja.
«Kaniečnie, Mašu Kaleśnikavu treba ratavać. Jana vielmi tryvałaja, ja jaje nikoli nie bačyła biez uśmieški. Jana da ŭsich tam z zyčlivaściu stavicca, pavodzić siabie vielmi hodna. Jana ŭ atradzie ŭžo była, pracuje. Ale ŭvieś hety dośvied nie moža nie adbivacca na zdaroŭi. Mašu ž i ŭ sančastku ciahali, i sprabavali pryvieści ŭ paradak — pierad sustrečaj z baćkam jana była na ŭzmocnienym charčavańni, jak Siarhiej Cichanoŭski. Paśla taho, jak jeŭrapiejcy ci inšyja siły zapatrabavali jaje pakazać. Jaje da hetaha padrychtavali», — raspaviała Natalla Dulina.
Taksama Natalla apisała stan inšych žančyn-palitviazynak.
«Ja viedaju, što ŭ Iryny Mielchier vielmi drennaje zdaroŭje. Jašče Luboŭ Rezanovič, jakaja taksama pa spravie Aŭtuchoviča išła, chvoraja vielmi, i muž u jaje Siarhiej — dyjabietyk. Z Marfaj Rabkovaj my byli ŭ adnym atradzie, jana trymajecca. U jaje, viadoma, vielmi składanaja situacyja, tamu što joj zabaranili hrašovyja pieravody. Z Nastaj Łojkaj toje ž samaje. Dziaŭčaty mocna schudnieli, ale ahułam usie trymajucca.
Z Kaciaj Andrejevaj ja nie pierasiakałasia, kamunikacyi ŭ nas nie było — my apynulisia ŭ roznych atradach, ale bačyła jaje tam. Jana čałaviek mocny, chacia kažuć, što jana krychu nie toje kab zamknułasia, ale niejak, vidać, jaje pavodziny źmianilisia. Ale ahułam jana nie złamałasia».
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
[Zredahavana]