Hramadstva123123

Paźniak: Vypuskajuć tolki prarasijskich ludziej, a nie biełaruskich patryjotaŭ

Vieteran biełaruskaha ruchu Zianon Paźniak vykazaŭsia ŭ fejsbuku pra vyzvaleńnie režymam Łukašenki padčas vizitu ŭ Minsk pradstaŭnika prezidenta ZŠA Donalda Trampa 14-ci palitviaźniaŭ.

Fota Zianona Paźniaka

Na dumku Zianona Paźniaka, 

«vyzvaleńnie palitviaźniaŭ — heta nie ad ekanamičnaha «cisku» Zachadu. Heta palityčnaja inicyjatyva Łukašenki, jaki choča mieć stasunki z Zachadam, kab pavialičyć sabie pole manieŭru, svabodnaje ad dyktatu pucinskaha režymu».

Prytym jon akcentuje ŭvahu na momancie, jakoha inšyja kamientatary ŭvohule nie zaŭvažajuć:

«U hetaj situacyi (i va ŭsich papiarednich) źviartaje na siabie ŭvahu fakt, što režymnaja ŭłada vyzvalaje nie pryznanych biełaruskich palitykaŭ, ale tolki rasiejskich i prarasiejskich ludziej, kalapalityčnych biełarusaŭ i zamiežnych asob. Biełaruskich nacyjanalnych palitykaŭ i biełaruskich patryjotaŭ nie vyzvalili nivodnaha. Tak było i na hety raz pierad vizitam Kiełaha».

Zianon Paźniak dapuskaje, što

«i tut nad Łukašenkam visić FSB, jakaja zacikaŭlena, kab pieršym čynam vypuścili ichnych maskoŭskich kreatur i vorahaŭ Biełarusi. Kali b toje było nie tak, to ŭ pieršuju čarhu (dla patrebnaha ŭražańnia, jakoje b acanili) Łukašenka moh by vypuścić, naprykład, znakamitych biełaruskich žurnalistaŭ i vydaŭcoŭ Dzianisa Ivašyna i Paŭła Mažejku, dy viadomaha patryjota i piśmieńnika Paŭła Sieviarynca».

U toj ža čas

«Vypuskańnie prarasiejščyny navodzić na pytańni. (Adna takaja vypuščanaja asoba [majecca na ŭvazie vykładčyca Natalla Dulina — NN] uvohule skazała, što lepš, kab joj dali mahčymaść dasiadzieć termin da kanca i zastacca ŭ Biełarusi, čym apynucca za miažoj.)»

Tym nie mienš, Paźniak usio ž spadziajecca, što

«dalejšyja stasunki amierykanskich palitykaŭ nie tolki z režymam, ale i ź biełaruskimi patryjotami (a ja spadziajusia, jany buduć raźvivacca) vyśviatlać situacyju i ŭ hetym stanoviščy».

Nahadajem, što ŭ vyniku vizitu ŭ Minsk Kita Kiełaha na voli apynulisia takija palitviaźni, jak adzin z natchnialnikaŭ biełarusaŭ u 2020 hodzie Siarhiej Cichanoŭski, vykładčyca-italjanistka Natalla Dulina, žurnalist «Radyjo Svabody» Ihar Karniej, anarchist Akichira Hajeŭski-Chanada, biznesmien Siarhiej Šeleh, adzin z udzielnikaŭ zakrytaha čata «Sajuz biełaruskaha nacyjanalnaha ščyta» Kirył Bałachonaŭ i inšyja.

Kamientary123

  • Nu-nu
    23.06.2025
    Dla kantekstu dadam, što jašče zusim niadaŭna Paźniak kazaŭ, što heta nibyta jon asabista ŭpłyvaje na vyzvaleńnie. Naprykład, pra Šarendu-Panasiuk (https://d2accbiqacj5y8.cloudfront.net/361356). Ciapier Paźniak zajaŭlaje, što vyzvalajuć tolki «prarasiejskich». Atrymlivajecca, pavodle lohiki Paźniaka, jon spryjaje vyzvaleńniu «prarasiejskich palitykaŭ» :D Maładziec! :D Hienij! Zakopvaj siabie dalej!
    P.S. Zianonaŭcy znoŭ buduć biaśsilna dyzłajkać hety kamentar. Možna padumać, niekalki dziasiatkaŭ dyzłajkaŭ niejak źmienić fakt taho, što Paźniak hetyja vyzvaleńni prypisvaŭ u svoj čas sabie :)))
  • Ale ž
    23.06.2025
    kaho kankretna maje na ŭvazie pavažany łapidaryj? U jaho ž usie ahientura, chto nie jon, a jon nie siadzić. Niachaj źjedzie ŭ Biełaruś , siadzie ŭ turmu, tady budzie kaho vypuskać.
  • nk taki, jak jość
    23.06.2025
    apošnimi vyjduć (kali vyjduć) tyja, kaho jon baicca bolš za ŭsich

Ciapier čytajuć

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie36

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Usie naviny →
Usie naviny

Bum na matču pa ŭsim śviecie: popyt raście, zapasy źmianšajucca5

Piać parad, jak prosta pazbavicca ad pachu i plam potu na adzieńni3

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

Vydaliŭ akaŭnt, pačyściŭ techniku — i ŭsio adno pryjšli. Mikita Łosik raskazaŭ, jak jaho vyličyli siłaviki25

«Biełfarmacyja» nazvała fejkam infarmacyju pra nibyta niedachop lekaŭ u krainie

bolš čytanych navin
bolš łajkanych navin

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie36

«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Hałoŭnaje
Usie naviny →

Zaŭvaha:

 

 

 

 

Zakryć Paviedamić