Śviet3535

«Fardo bolš niama». ZŠA nanieśli ŭdary pa jadziernych abjektach u Iranie

«Ciapier Iran pavinien pahadzicca na spynieńnie vajny», — zajaviŭ Tramp.

Tramp u Situacyjnym pakoi ŭ momant, kali nanosiŭsia ŭdar pa Iranie

Prezident ZŠA Donald Tramp abviaściŭ, što ZŠA atakavali try jadziernyja abjekty ŭ Iranie — u Fardo, Natanzie i Isfachanie. Ab hetym jon napisaŭ u sacsietcy Truth Social, a paśla zajaviŭ u videazvarocie. Pa jaho słovach, na hałoŭny abjekt, Fardo, «była skinuta poŭnaja zahruzka» bombaŭ.

«My zaviaršyli našu vielmi paśpiachovuju ataku na try jadziernyja abjekty ŭ Iranie», — havorycca ŭ dopisie amierykanskaha prezidenta.

Tramp dadaŭ, što amierykanskija samaloty ŭžo znachodziacca za miežami pavietranaj prastory Irana i viartajucca ŭ ZŠA. 

U nastupnym dopisie Tramp zajaviŭ, što heta histaryčny momant ZŠA, Izraila i ŭsiaho śvietu. «Ciapier Iran pavinien pahadzicca na spynieńnie vajny», — dadaŭ jon.

«40 hadoŭ jany kryčali «śmierć» Amierycy i Izrailu, zabivali i zabivali, ja daŭno chacieŭ pakłaści hetamu kaniec, my pracavali ź Nietańjachu jak adna kamanda», — zajaviŭ jon u zvarocie.

«Chulihan Blizkaha Uschodu pavinien zaklučyć mir — nieadkładna».

«Heta budzie albo mir, albo trahiedyja dla Irana. Zastałosia jašče mnostva celaŭ».

Pavodle infarmacyi Axios, ZŠA zahadzia paviedamili Izrailu ab padrychtoŭcy da ŭdaraŭ pa Iranie. Adzin z vysokapastaŭlenych izrailskich čynoŭnikaŭ paviedamiŭ vydańniu, što dla ŭdaru byli vykarystany bambardziroŭščyki B-2.

U Iranie nieŭzabavie paćvierdzili, što abjekty ŭ Fardo, Natanzie i Isfachanie byli atakavany.

Dla ŭdaru pa jadziernym abjekcie ŭ Fardo ZŠA vykarystali šeść procibunkiernych bombaŭ. Z takim śćviardžeńniem vystupiŭ karespandent Fox News Šon Chenici, jaki śćviardžaje, što razmaŭlaŭ pa telefonie z Trampam. Pa abjektach u Natanzie i Isfachanie byli zapuščany 30 rakiet «Tamahaŭk» z padvodnych łodak, dadaŭ jon. 

Tramp spadziajecca, što ŭdar pa iranskich jadziernych abjektach prymusić Tehieran viarnucca da pieramovaŭ, tamu pakul jon nie płanuje novych atak, paviedamlaje CNN sa spasyłkaj na krynicy.

Kamientary35

  • Otiec Zasandalij
    22.06.2025
    Nu, eto nobielevskaja priemija mira. Možno tiepieŕ točno nadievať novoje ispodnieje i bodro dvihať na pohost.
  • Jazep
    22.06.2025
    Da, prodołžajtie rasskazyvať pro kriemlevskoho ahienta i druha Putina
  • Tak dieržať!
    22.06.2025
    [Red. vydalena]

Ciapier čytajuć

Čamadanava raskazała, što kateharyčna nielha abmiarkoŭvać na kuchniach12

Čamadanava raskazała, što kateharyčna nielha abmiarkoŭvać na kuchniach

Usie naviny →
Usie naviny

Siamja biełarusaŭ akazałasia ŭ dvuch roznych asiarodkach emihracyi. Muž nie moža trapić da žonki ŭ Hruziju, a jana — atrymać vizu da jaho ŭ Polšču10

Alimpijskaja čempijonka pa bijatłonie prapała ŭ harach Pakistana1

Mahutny ziemlatrus kala bierahoŭ Kamčatki pryvioŭ da cunami, u Japonii i na Havajach abvieščana evakuacyja

Jakija mašyny biełarusy dahetul aktyŭna viazuć z ZŠA7

Biełarus raspracavaŭ pierakładčyk dla biznesu, jaki prynosić jamu miljon dalaraŭ na hod14

U zaaparku Niurnbierha zastrelili 12 babuinaŭ. Dla ich nie chapała miesca6

Minsk proci nočy znoŭ papłyŭ VIDEA3

Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak23

Nad Minskam zichaciać małanki FOTAFAKT2

bolš čytanych navin
bolš łajkanych navin

Čamadanava raskazała, što kateharyčna nielha abmiarkoŭvać na kuchniach12

Čamadanava raskazała, što kateharyčna nielha abmiarkoŭvać na kuchniach

Hałoŭnaje
Usie naviny →

Zaŭvaha:

 

 

 

 

Zakryć Paviedamić