«A Śvieta to nie rada!». U publikacyi pra Cichanoŭskaha adpravili miryjady botaŭ i raspaŭsiudzili dypfejk
Stali jaŭnymi ŭstanoŭki, jakija pravodziać kamientatary-boty ŭ tyktokach, jutubie dy inšych sacsietkach pad navinami pra vyzvaleńnie Siarhieja Cichanoŭskaha.
Vyzvaleńnie Siarhieja Cichanoŭskaha biełaruskaja prapahanda padaje nie tolki jak častku vialikaj hulni Łukašenki z Zachadam, ale i jak stratehičny chod, nakiravany na padryŭ adzinstva biełaruskaj apazicyi.
Charakternaje dypfejkavaje videa źjaviłasia ŭ telehram-kanale «Biełorusskij front», źviazanym ź Minabarony Biełarusi.
Na im pakazany byccam by frahmient jutub-prahramy «Obyčnoje utro» z kadrami z pres-kanfierencyi. Štučny intelekt pieratvaraje momant razmovy Siarhieja Cichanoŭskaha z žurnalistami ŭ bojku z žonkaj Śviatłanaj.
U hetym ža klučy pracujuć boty ŭ kamientarach pad rolikami tyktoka i navinami ŭ jutubie:
«A Cichanoŭskaja nie vielmi radaja i adčuvajecca, razhublenaja. Nie ŭ centry ŭvahi».
«Nie pašancavała joj, ciapier jaje zasunuć daloka i daviadziecca iści pracavać. Jana mieniej za ŭsich vyjhrała ad hetaha vyzvaleńnia».
«Niešta Śvieta zusim zaviała».
«Śvieta ŭ šoku. Što ciapier rabić z hetym prezidentam. Jaje zvolniać ci na kuchniu».
«Śvietka dumaje: vo Łukašenka zapadlanku padkinuŭ! Tolki žyćcio pačało naładžvacca!»
«A Śvietka siadzić i dumaje: navošta ciabie vypuścili».
«Cichanoŭskaja zachvalavałasia, što muž jaje adsunie na druhi płan».
«Jana prosta šarachajecca ad jaho».
Jak zaŭsiody ciapier, boty pry hetym uzajemna łajkajuć adny adnych.
Inšaja hrupa botaŭ hraje rolu «niezadavolenaha vyzvaleńniem narodu» i pravodzić naratyŭ, što vyzvalać nie treba było, i zadajucca pytańniem, navošta heta było zroblena.
«Navošta jaho vypuścili? Patłumačcie biełarusam»,
«Daremna vyzvalili»,
«Alaksandr Łukašenka, patłumačcie vaš učynak, navošta???»,
«Navošta jaho vypuścili»,
«Ranavata vyzvalili»,
«Spadziajusia što naš baćka viedaje, što robić».
Častka botaŭ na roznyja łady sprabuje zapeŭnić, što pra Siarhieja Cichanoŭskaha ŭžo nichto nie pamiataje i ludziam naviny pra jaho niecikavyja:
«Dy ŭsim po**j na hetaha dałb**ba»,
«Niaŭžo niama bolš važny tem dla abmierkavańnia?»,
«Chto heta?».
«Kazyrami nie raskidvajucca. Baćka pierajhraŭ i źniščyŭ». Jak prapahanda patłumačyła vyzvaleńnie Cichanoŭskaha
«My nie viedali Siarhieja Cichanoŭskaha da siońniašniaj pres-kanfierencyi»
Capkała: Čamu za piać hadoŭ nivodzin z tak zvanych ofisaŭ i kabinietaŭ nie damohsia vyzvaleńnia nivodnaha palitviaźnia?
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu42
Kamientary