Toyota abviaściła ab stvareńni pasažyrskaha miesiacachoda z robatarukoj. Jon budzie prydatny i dla asvajeńnia Marsa
Firma Toyota razam ź japonskim ahienctvam aerakaśmičnych daśledavańniaŭ raspracoŭvaje miesiacachod, jaki pavinien dapamahčy ludziam kałanizavać Miesiac da 2040 hoda. Pra heta piša apnews.com sa spasyłkaj na zajavu čynoŭnikaŭ i kampanii.
Miesiacachod nazvali Lunar Cruiser — Miesiačny krejsier. Heta adsyłka da ŭsiedarožnika Toyota Land Cruiser. Čakajecca, što aparat raspracujuć da kanca 2020-ch hadoŭ. A na Miesiac jon musić adpravicca da 2030 hoda.
Miarkujecca, što hetuju mašynu možna budzie paśla vykarystoŭvać i na Marsie.
«My razhladajem kosmas jak novuju halinu dla pracy našaj kampanii. Vypraviŭšysia ŭ kosmas, my zmožam pačać pracu nad inšymi technałohijami, jakija akažucca karysnymi dla čałaviečaha žyćcia ŭ novych umovach», —
skazaŭ kiraŭnik prajekta Lunar Cruiser Taka Kata.
Pavodle zadumki kampanii, ludzi zmohuć jeści, pracavać, spać i mieć znosiny adzin z adnym na Miesiacy, nie vychodziačy z Lunar Cruiser.
Miesiacachod abstalujuć rabatyzavanaj rukoj, jakaja zmoža chapać i padymać pradmiety. Jaje raspracavała kampanija Gitai Japan. Pryłada maje źmiennyja nasadki dla pracy z roznymi instrumientami.
Čytajcie taksama:
Boeing inviestuje amal paŭmiljarda dalaraŭ u bieśpiłotnyja latučyja taksi
Niamieckaja razumnaja mašyna ciapier moža nie tolki abhaniać bulbu, ale i pałoć jaje
U Vialikabrytanii robaty poluć pali ŭdarami toku
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary