Boeing inviestuje amal paŭmiljarda dalaraŭ u bieśpiłotnyja latučyja taksi
Aerakaśmičnaja karparacyja Boeing źbirajecca inviestavać 450 młn dalaraŭ u pradpryjemstva Wisk, jakoje zajmajecca raspracoŭkaj bieśpiłotnaha latučaha taksi. U Wisk užo zajavili, što takaja inviestycyja z boku Boeing zrobić startap «adnoj z najbolš dobra finansavanych» kampanij takoha typu, piša «Kommiersant'».
Wisk, jak i mnohija inšyja startapy ŭ hetaj śfiery, pracuje nad stvareńniem elektryčnaha VTOL — latučaha aparata viertykalnaha ŭźlotu i pasadki, heta značyć takoha, jaki budzie ŭźlatać i sadzicca jak viertalot.
Adroźnieńnie Wisk ad mnohich inšych padobnych kampanij u tym, što jana choča raspracavać bieśpiłotny VTOL.
«Na naš pohlad, vialikaja stratehičnaja pieravaha Wisk u tym, što jana pierachodzić adrazu da bieśpiłotnaha latučaha aparata, ukaraniajučy pryncypy hetaha na kožnym etapie kanstrujavańnia i raspracoŭki»,
— ličyć dyrektar pa stratehii Boeing Mark Alen.
Jak piša Reuters, Wisk płanuje zapuścić svajo latučaje taksi da 2028 hoda. Rašeńnie pabudavać adrazu bieśpiłotny VTOL robić praces raspracoŭki bolš doŭhim: mnohija kankurenty kampanii źbirajucca pradstavić svaje latučyja aparaty ŭžo da 2024 hoda.
U toj ža čas takija taksi ŭ cełym stvarajucca nie tak chutka, jak čakałasia pieršapačatkova: u siaredzinie 2010-ch hadoŭ šmatlikija kampanii abiacali vyvieści na rynak svaje latučyja aparaty ŭžo da 2020 hoda.
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary