Robaty, jakich zavuć Tom, Dzik i Hary, byli raspracavany kampanijaj Small Robot Company ŭ dapamohu fiermieram, kab tyja mahli źniščać pustazielle ź minimalnym vykarystańniem chimikataŭ i ciažkaj techniki, raskazvaje CNN.
Startap pracuje nad źniščalnikami pustaziella z 2017 hoda, a ŭ krasaviku minułaha hoda zapuściŭ svajho pieršaha kamiercyjnaha robata Toma, jaki ciapier pracuje na troch brytanskich fiermach. Astatnija robaty ŭsio jašče znachodziacca na stadyi pratatypaŭ i prachodziać vyprabavańni.
Raspracoŭščyki kažuć, što robat Tom moža skanavać 20 hiektaraŭ u dzień, źbirajučy źviestki, jakija zatym vykarystoŭvajucca Dzikam, robatam dla dohladu pasievaŭ, dla źniščeńnia pustaziella. Zatym nadychodzić čarha robata Hary — jon sadžaje nasieńnie ŭ ačyščanuju ad pustaziella hlebu.
Pa słovach kampanii, vykarystoŭvajučy poŭnuju sistemu robataŭ-pamočnikaŭ, fiermiery mohuć skaracić vydatki na 40% i vykarystańnie chimikataŭ da 95%.
Pavodle źviestak Charčovaj i sielskahaspadarčaj arhanizacyi AAN, abjom rynku hierbicydaŭ składaje kala 7 miljardaŭ dalaraŭ u hod. Miljony ton hetych atrutnych rečyvaŭ štohod traplajuć u hlebu.
Startap zajaŭlaje, što sabraŭ na svaje raspracoŭki bolš za 9,9 miljona dalaraŭ, a zapuścić svaju poŭnuju sistemu robataŭ spadziajecca da 2023 hoda.
Jak pracuje robat dla prapołki? «Jon puskaje tok, jaki prachodzić praz karani raśliny ŭ hlebie, a zatym nazad, što całkam źniščaje škodnuju raślinu, — kaža Skot-Robinsan, suzasnavalnik i hienieralny dyrektar Small Robot. — Takim čynam my možam padyści da kožnaj asobnaj raśliny, jakaja pahražaje kulturnym raślinam, i prybrać jaje».
«Viadoma, heta pakul nie tak chutka, jak kali b vy palivali ŭsio pole hierbicydam, — kaža jon. — Ale vy pavinny mieć na ŭvazie, što nam treba nakiroŭvać robata tolki ŭ tyja častki pola, dzie jość pustazielle».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary