Niamieckaja razumnaja mašyna ciapier moža nie tolki abhaniać bulbu, ale i pałoć jaje
Niamieckaja firma Lemken navučyła svoj kultyvatar pad nazvaj Steketee adroźnivać kulturnyja raśliny ad pustaziella. Novaja opcyja harantuje dobry vynik navat na husta zasiejanych i mocna zaśmiečanych pustaziellem działkach.

Sutnaść navacyi takaja: u kampjutar IC-Weeder AI unieśli klučavyja prykmiety kulturnych raślin. U vypadku z cukrovymi burakami, naprykład, raśliny ŭručnuju markiravalisia na kožnaj sa stadyj raźvićcia, a potym atrymanaja infarmacyja zanosiłasia ŭ bazu źviestak.
Sutykajučysia ź niejkim parastkam na svaim šlachu, mašyna identyfikuje jaho z ulikam koleru, tekstury, raźmiaščeńnia liścia, formy i pamieru raśliny. Karaciej, usiaho, što ŭniesiena ŭ jaje prahramu. Kaeficyjent dakładnaj identyfikacyi raślin pieravyšaje 95%.
Kali ž raślina akazvajecca «niekulturnaj», to tady sierpapadobnyja nažy ź pnieŭmatyčnym pryvadam robiać prapołku, vydalajučy jaje.
Hetaja mašyna z šyrynioj zachopu ŭ 3 mietry pastupić u prodaž užo ŭ 2022 hodzie.
Čytajcie taksama:
U Vialikabrytanii robaty poluć pali ŭdarami toku
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Kamientary