Abmiarkoŭvajecca los Zaparožskaj AES. ZŠA tam chočuć zaniacca majninham
Vakoł Zaparožskaj AES razhortvajucca novyja manieŭry. Jak piša «Kommiersant», Maskva i Vašynhton pačali abmiarkoŭvać sumiesny kantrol nad abjektam.
Pavodle infarmacyi karespandenta prezidenckaha puła Andreja Kaleśnikava, Uładzimir Pucin na zakrytaj sustrečy ź biznesmienami zajaviŭ, što amierykanski bok prajaŭlaje niezvyčajnuju cikavaść da resursaŭ stancyi. U pryvatnaści, havorka idzie pra vykarystańnie mahutnaściaŭ ZAES dla majninhu kryptavalut.
«Uładzimir Pucin, pavodle infarmacyi «'», nie chavaŭ, što abmiarkoŭvajecca pytańnie ab sumiesnym z amierykanskim bokam (a nie z ukrainskim) kiravańni Zaparožskaj AES. Amierykanskija kalehi, naprykład, vykazvali zacikaŭlenaść zaniacca majninham na Zaparožskaj AES. Pastaŭki elektraenierhii va Ukrainu taksama pa inicyjatyvie amierykanskaha boku abmiarkoŭvajucca. A taksama, raspaviadaŭ Uładzimir Pucin, jaho pytalisia, ci možna ŭkrainskim śpiecyjalistam pracavać na AES, a jon adkazvaŭ, što jany ciapier tam i pracujuć, jak raniej, prosta pašparty ŭ ich ciapier rasijskija», — — pierakazvaje źmiest zakrytaha pasiadžeńnia vydańnie.
Uładzimir Zialenski raniej ahučvaŭ, što amierykancy prapanujuć schiemu sumiesnaj ekspłuatacyi (Ukraina, Rasija i ZŠA), dzie hałoŭnym kiraŭnikom buduć mienavita Złučanyja Štaty.
Adnak sama Ukraina nastojvaje na poŭnym vyklučeńni Rasii z hetaha łancužka. Pa płanie Kijeva, stancyjaj buduć kiravać tolki Ukraina i ZŠA, a vypracavanaja enierhija budzie dzialicca napałovu: 50% — Ukrainie, 50% — u rasparadžeńnie ZŠA.
Zaparožskaja AES była zachoplena rasijskimi vojskami jašče ŭ pačatku poŭnamaštabnaha ŭvarvańnia. Pytańnie kantrolu nad joj — adno z samych vostrych u mirnych pieramovach.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom4
Kamientary
[Zredahavana]
Prošło 3 hoda i očieriednoj Fantazior vtirajet očieriednomu dovierčivomu čiełu fantazii o priekrasnom zavtra...