Ina Kulej: Milinkievič pieramoh śmierć, ale šlach da poŭnaha adužańnia niablizki
Paśla miesiaca ciažkaj baraćby za žyćcio palityk i hramadski dziejač Alaksandr Milinkievič pajšoŭ na papraŭku. Pra heta paviedamiła jaho žonka Ina Kulej.
«Siońnia roŭna miesiac paśla strašnych niečakanych nastupstvaŭ płanavaj apieracyi. Uvieś hety miesiac my hojdalisia na emacyjnych arelach: krok napierad — krok nazad.
Ad «rychtujciesia da najhoršaha» da «rychtujemsia da reabilitacyi».
Z Božaj dapamohaj Alaksandr pieramoh śmierć i pnieŭmaniju, jakaja zvyčajny spadarožnik takich chvorych, i zaraz sapraŭdy na dobraj darozie.
Šlach da poŭnaha adužvańnia nie blizki, ale ja vieru. Vieru biezumoŭna i biaskonca. I viedaju, što śviata jašče napieradzie», — napisała Ina Kulej.
Jana pavinšavała ŭsich z Kaladami i padziakavała tym, chto pieražyvaŭ za jaje muža.
25 listapada Alaksandru Milinkieviču rabili apieracyju pa vydaleńni tromba, jaki zakryvaŭ 80% sonnaj arteryi. Padčas apieracyi ŭtvaryŭsia mocny kryvaciok, paśla čaho palityk trapiŭ u vielmi ciažkim stanie ŭ reanimacyju. Jaho ŭviali ŭ miedykamientozny son.
Alaksandru Milinkieviču ciapier 78 hadoŭ. Jon sam z Hrodna, u 1990—1996 hadach byŭ namieśnikam staršyni Hrodzienskaha harvykankama, u toj čas mocna paspryjaŭ biełarusizacyi ŭ horadzie. U 2006 hodzie byŭ kandydatam ad demakratyčnaj apazicyi sa statusam «adzinaha» na prezidenckich vybarach. Paśla stvaryŭ hramadski ruch «Za Svabodu» i da 2016 hoda byŭ jahonym kiraŭnikom. U apošnija hady źjaŭlajecca pazaštatnym daradcam Śviatłany Cichanoŭskaj, adnym z arhanizataraŭ «Volnaha biełaruskaha ŭniviersiteta».
Kamientary
Sa Śviatam Rastva Chrystovaha, spadar Alaksandr.
Adužvańnia i viartańnia da dziejnaści.
Žyvie!