Kreml paviedamiŭ pra telefonny kantakt z Vašynhtonam paśla dakłada śpiecpasłańnika Pucina Dźmitryjeva
«Damovilisia praciahvać dyjałoh».
Pa daručeńni prezidenta Rasii Uładzimira Pucina «adbyŭsia kantakt pamiž pradstaŭnikami administracyi Rasii i Złučanych Štataŭ», paviedamiŭ žurnalistam pradstaŭnik Kramla Dźmitryj Piaskoŭ, piša Bi-bi-si.
«Byŭ taki telefonny kantakt. Damovilisia praciahvać dyjałoh»,— skazaŭ Piaskoŭ. Pavodle jaho słoŭ, z rasijskaha boku ŭ razmovie ŭdzielničaŭ pamočnik prezidenta Juryj Ušakoŭ, a z amierykanskaha — «było niekalki surazmoŭcaŭ».
Pucin daručyŭ Ušakovu źviazacca z Vašynhtonam paśla dakładu svajho śpiecyjalnaha pradstaŭnika Kiryła Dźmitryjeva, jaki ŭ minułyja vychodnyja sustrakaŭsia z amierykanskaj delehacyjaj u Fłarydzie i abmiarkoŭvaŭ amierykanski płan spynieńnia vajny va Ukrainie.
U sieradu, 24 śniežnia, Piaskoŭ kazaŭ, što Dźmitryjeŭ «mieŭ mahčymaść užo paviedamić prezidentu pra vyniki svajoj pajezdki va ŭsich niuansach».
Ciapier pradstaŭnik Kramla zajaviŭ: «Paśla taho jak Kirył Dźmitryjeŭ dałažyŭ prezidentu pra vyniki svajoj pajezdki ŭ Amieryku, pra vyniki svaich kantaktaŭ z amierykancami, hetaja infarmacyja była praanalizavana, i pa daručeńni prezidenta Pucina adbyŭsia kantakt pamiž pradstaŭnikami administracyi Rasii i Złučanych Štataŭ. Damoŭlena praciahvać dyjałoh».
Piaskoŭ admoviŭsia adkazvać na pytańnie pra sutnaść pytańniaŭ, jakija abmiarkoŭvalisia z uładami ZŠA. Pavodle jaho słoŭ, raspaŭsiudžvańnie hetaj infarmacyi moža niehatyŭna adbicca na chodzie pierahavornaha pracesu.
U piatnicu ranicaj prezident Ukrainy Uładzimir Zialenski anansavaŭ sustreču z prezidentam ZŠA Donaldam Trampam «u najbližejšy čas». Pavodle danych vydańnia Axios, jana moža adbycca ŭ niadzielu, 28 śniežnia, u pryvatnaj rezidencyi Trampa ŭ Fłarydzie.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary