Kitaj zajaviŭ pra nieabchodnaść viarnucca da Minskich pahadnieńniaŭ
Ministr zamiežnych spraŭ Kitaja Van I ŭ razmovie ź dziaržsakratarom ZŠA Entani Blinkienam zajaviŭ, što dla vyrašeńnia kanfliktu na ŭschodzie Ukrainy baki pavinny viarnucca da vykanańnia Minskich pahadnieńniaŭ.
«Dla vyrašeńnia ŭkrainskaha pytańnia ŭsio roŭna pryjdziecca viarnucca da Minskich damoŭlenaściaŭ, heta zychodnaja kropka. Heta asnovatvorny dakumient, pryznany ŭsimi bakami, i jaho pałažeńni treba vykonvać», — adznačyŭ Van I. Jon taksama zaklikaŭ paźbiehnuć eskałacyi kanfliktu i nie raździmać kryzis.
«Rehijanalnaja biaśpieka nie moža być harantavanaja za košt ŭmacavańnia i pašyreńnia vajennych błokaŭ», — zajaviŭ kitajski ministr. Pavodle jaho słoŭ, biaśpieka adnoj dziaržavy nie moža zabiaśpiečvacca za košt biaśpieki inšych krain.
Taksama Van I asudziŭ «mientalitet chałodnaj vajny» i zaklikaŭ ZŠA, ES, Ukrainu i Rasiju vyrašyć sprablemy z dapamohaj dypłamatyi.
Minskija pahadnieńni — dakumient, skiravany na vyrašeńnie kryzisu na ŭschodzie Ukrainy. Byŭ uzhodnieny ŭ Minsku 11-12 lutaha 2015 hoda kiraŭnikami Rasii, Ukrainy, Niamieččyny i Francyi.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary