a taksama masavych prajaŭleńniaŭ ekstremizmu i antykanstytucyjnych dziejańniaŭ, niahledziačy na peŭnyja ciažkaści ŭ stanaŭleńni i raźvićci biełaruskaj dziaržaŭnaści.
U Biełarusi niama kryminalnaha biaźmiežža, masavych prajaŭleńniaŭ ekstremizmu i antykanstytucyjnych dziejańniaŭ, niahledziačy na peŭnyja ciažkaści ŭ stanaŭleńni i raźvićci biełaruskaj dziaržaŭnaści.
Hety fakt asabliva padkreśliŭ prezident Biełarusi Alaksandr Łukašenka siońnia na naradzie pa pytańniach dziejnaści orhanaŭ prakuratury.
Kiraŭnik dziaržavy adznačyŭ, što ad jakaści vykanańnia prakuraturaj svaich funkcyj u mnohim zaležać zakonnaść i pravaparadak u hramadstvie, aŭtarytet ułady, ustojlivaje i efiektyŭnaje raźvićcio dziaržavy.
Prezident padkreśliŭ, što taja rola, jakuju prakuratura adyhryvaje ŭ žyćci hramadstva i dziaržavy, była i zastajecca niaźmiennaj: stajać na varcie zakona i pravavych asnoŭ dziaržavy. Jon nahadaŭ, što ŭ krainie nikoli nie sumniavalisia ŭ nieabchodnaści isnavańnia prakuratury jak takoj, nie staviłasia pytańnie ab abmiežavańni jaje nahladnych paŭnamoctvaŭ. Mienavita na prakuraturu ŭskładzieny takija adkaznyja funkcyi, jak nahlad za dakładnym i adnastajnym vykanańniem zakonaŭ, baraćba sa złačynnaściu i karupcyjaj, abarona pravoŭ i svabod hramadzian, intaresaŭ dziaržavy. «Faktyčna, možna havaryć, što prakuratury padnahladnyja ŭsie śfiery hramadskaha žyćcia i dziaržaŭnaha kiravańnia», — skazaŭ jon.
U toj ža čas Alaksandr Łukašenka zajaviŭ, što orhany prakuratury nie pavinny być adasoblenaj strukturaj u dziaržavie, niejkaj kastaj, a pavinny słužyć dziaržavie i biełaruskamu narodu. Da kantralujučych struktur u dziaržavie pradjaŭlajucca asablivyja patrabavańni. «Tamu što vam dadziena prava kantralavać, a kantralor pavinien być sam na paradak vyšejšy ŭ svajoj marali i ŭ śviadomaści tych, kaho jon kantraluje», — padkreśliŭ jon.
Kiraŭnik dziaržavy źviarnuŭ uvahu na toje, što pakul prakuratura nie va ŭsim adpaviadaje patrabavańniam, jakija pradjaŭlajucca žyćciom. Pra heta śviedčać jak fakty, tak i hramadskaja dumka. «Dziejničajcie ŭ intaresach dziaržavy — voś što mnie pierš za ŭsio patrebna ad prakuratury», — skazaŭ kiraŭnik dziaržavy.
Ciapier čytajuć
Što Babaryka i Kaleśnikava adkazali na pytańni pra vajnu20
Kamientary