Mižnarodnaja fiederacyja łyžnaha sportu pačała pravierku, čamu biełaruskich łyžnic adchilili ad spabornictvaŭ
Biełaruskija łyžnicy Śviatłana Andryjuk i Darja Dalidovič śćviardžajuć, što ich pazbavili mahčymaści ŭdzielničać u spabornictvach za hramadzianskuju pazicyju.
Spartsmienki paviedamili, što Biełaruski łyžny sajuz u minułym miesiacy deaktyvavaŭ ich indyvidualnyja identyfikacyjnyja numary ŭ Mižnarodnaj fiederacyi łyžnaha sportu (FIS), jakija nieabchodnyja dla ŭdziełu ŭ spabornictvach.
«FIS paćviardžaje, što kody FIS dźviuch spartsmienak u našaj bazie źviestak ciapier adlustroŭvajucca jak «nieaktyŭnyja», — havorycca ŭ zajavie Mižnarodnaj fiederacyi. — FIS źviazvajecca ź Biełaruskim łyžnym sajuzam, kab atrymać usiu infarmacyju pra zhadanych spartsmienak, i daść lubuju novuju infarmacyju pa miery jaje pastupleńnia».
22-hadovaja Andryjuk kaža, što hetaje rašeńnie vymusiła jaje prapuścić kvalifikacyjnyja spabornictvy, jakija mahli dazvolić atrymać miesca na Alimpijskich hulniach u Piekinie. «Jany (spartyŭnyja čynoŭniki) dasłoŭna abvinavacili mianie ŭ tym, što ja prychilnica apazicyi», — skazała Reuters Andryjuk. Ciapier, kaža spartsmienka, jana vymušanaja pakinuć Biełaruś i płanuje źjechać u Polšču.
Darji Dalidovič 17 hadoŭ, jana dačka ŭdzielnika siami Alimpijad Siarhieja Dalidoviča.
Biełaruskija ŭłady adchilili ad mižnarodnych spabornictvaŭ dźviuch łyžnic
Dačku łyžnika Siarhieja Dalidoviča adchilili ad spabornictvaŭ na hod
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary