«Sucelnaja pakuta». Japoncy rady novaj chvali kavidu, bo nie treba iści na karparatyŭ z bosam
U śniežni pačynajecca banienkai, siezon viečarynak u Japonii, tradycyja, jakoj užo bolš vaśmi stahodździaŭ. Ale ludzi nie harać žadańniem iści na pracoŭnyja karparatyvy sioleta. I heta źviazana nie tolki z pandemijaj. Čamu staraja tradycyja vyklikaje tryvožnaść u japoncaŭ, vyśviatlaŭ Guardian.
Banienkai pierakładajecca litaralna jak «zabudźsia pra hod». Heta pieradnavahodni karparatyŭ, na jakim kalehi, pa zadumie, musiać raźniavolena kamunikavać za ježaj i pitvom. Navat słova novaje źjaviłasia ŭ anhłamoŭnym asiarodku Japonii — namunikavać, ad japonskaha «nomu» — jeści i «kamunikavać», to-bok razmaŭlać za pačastunkam.
Ale mnohija, jak pakazvajuć apošnija daśledavańni, čakajuć sioletnijach karparatyvaŭ z žacham, niahledziačy na toje, što kolkaść vypadkaŭ kavidu značna źniziłasia ŭ krainie za apošni čas, a značyć, bary i restarany adkryjucca dla karparatyŭnych viečarynak.
Kab zrazumieć nastroi ludziej, hazieta «Asahi Šymbun» paprasiła svaich anłajn-čytačoŭ padzialicca dumkami pra karparatyvy napiaredadni banienkai, i vyśvietliłasia, što mnohija suprać hetych viečarynak, ale nie navažvajucca adkryta pra heta kazać.
Mnohija napisali, što bajacca hetaj tradycyi, bo vymušanyja kantralavać siabie, kab nie skazać lišniaha pierad načalstvam, i jaki tut užo adpačynak. A niechta navat nazvaŭ banienkai «sucelnaj pakutaj».
Vyniki apytańnia haziety paćviardžaje i daśledavańnie, praviedzienaje strachavoj kampanijaj Nipon Life Insurance. 60% apytanych ličać «namunikacyju» z kalehami paśla pracoŭnaha dnia lišniaj, i tolki 11% dumajuć, što bavić čas z kalehami pa-za pracaj absalutna nieabchodna.
Hałoŭny zakid da tradycyi źviazany ź nieabchodnaściu zvažać na karparatyŭnyju jerarchiju, što nie dazvalaje bieskłapotna viesialicca. Ale mnohija taksama ŭsprymajuć hetyja viečarynki jak pracu zvyšuročna, jakaja da taho ž nie apłočvajecca.
Bolš za 20% prosta skazali, što jany nie lubiać ałkahol.
U adkaz na pytańnie haziety «Asahi» pra karparatyvy mnohija napisali, što
z palohkaj sustreli navinu pra vierahodnaść čarhovaj chvali karanavirusa, jakaja prymusiła b kampanii albo skasavać karparatyvy sioleta, albo pieravieści ich u anłajn-farmat.
Sioleta 70% płanujuć abyścisia biez banienkai.
Adzin z čytačoŭ napisaŭ, što chacieŭ by, kab takija viečarynki zastalisia ŭ farmacie anłajn, navat paśla taho, jak pandemija adstupić.
«Na anłajn-viečarynkach mnie nie treba chvalavacca, chto što pra mianie padumaje praz toje, što ja nie pju», — patłumačyŭ jon.
Jeŭrapiejcy rezka pierastali padtrymlivać papulisckija idei
Sioleta vałchvy ŭ Italii paniasuć maleńkamu Iisusu padarunki i svaje kavidnyja pašparty
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary