25 listapada fryłansier «Radyjo Svaboda» Andrej Kuźniečyk pierastaŭ vychodzić na suviaź. Nieŭzabavie stała viadoma, što jaho zatrymali, paviedamlaje sajt vydańnia.
Žonka Andreja raskazała, što kala 17-j hadziny jon pajechaŭ na rovary na prahułku, a jana z dvuma dziećmi zastałasia doma. Davoli chutka Andrej viarnuŭsia z čatyrma mužčynami ŭ cyvilnym.
«Adzin, jaki, vierahodna, byŭ hałoŭnym, pradstaviŭsia Ivanam. Ni chto jany, ni adkul, nie paviedamili. Mnie zahadali iści ŭ inšy pakoj i zajmacca dziećmi, nie pieraškadžać. Pieratrus byŭ davoli «intelihientny» — maje rečy i rečy dziaciej nie čapali. Zabrali ŭsiu techniku i telefon Andreja, moj mabilny telefon i moj płanšet, hrošy. Andreju zahadali apranacca i iści ź imi. Z rečaŭ ničoha nie dazvolili ŭziać z saboj, akramia zapasnych štanoŭ. Skazali, što zabirajuć jaho nienadoŭha, na paru dzion», — raskazała žonka Andreja Alesia Rak.
Jana padpisała papieru ź pieralikam zabranych rečaŭ. Na jakoj padstavie zatrymali muža, Alesia nie viedaje.
Siamja Andreja Kuźniečyka žyvie ŭ Miensku, u ich dvoje małych dziaciej. Andrej fiłołah pavodle adukacyi, apantany ravaryst.
Viečaram u čaćvier byŭ uzłamany telehram-kanał «Svabody».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary