U miežach rascledavańnia «biełaruskaha śledu» ŭ zabojstvie Paŭła Šaramieta fihurujuć dva śviedki
Kolišni ministr unutranych spravaŭ Ukrainy Arsien Avakaŭ zajaŭlaje, što padazravanyja ŭ zabojstvie žurnalista Paŭła Šaramieta mahli supracoŭničać z SBU i nie viedać, suprać kaho ich vykarystoŭvajuć u padrychtoŭcy i arhanizacyi złačynstva, piša Radyjo Svaboda.
«Majo mierkavańnie, što ŭsie hetyja ludzi byli vykanaŭcami. I mienavita hety epizod i nakiravali ŭ sud — što jany vykanaŭcy. Jany mahli viedać, a mahli i nia viedać da kanca, u dačynieńni kaho jany heta robiać. Chto im hetuju spravu zakazaŭ, pavodle jakoj pracedury — heta asobnaja razmova. Jana vydzielenaja ŭ asobnuju vytvorčaść», — skazaŭ Arsien Avakaŭ u intervju «Ukrainskaj praŭdzie».
Eks-ministr dadaŭ, što ŭ rasśledavańni imaviernaha «biełaruskaha śledu» ŭ śledstva jość dva śviedki.
«Kali datyčna zakazčyka, kali datyčna biełaruskaha śledu, jaki atrymaŭ svajo raźvićcio, u nas źjavilisia dva śviedki, jakija pačali dadatkova davać pakazańni. Heta taksama vyvučajecca».
Adnak jon nie ŭdakładniŭ proźviščy hetych śviedkaŭ. Raniej status śviedki ŭ hetaj spravie atrymaŭ były namieśnik kamandzira bajavoj hrupy «Ałmaz» Ihar Makar. Jaho dapytali sioleta ŭ studzieni paśla publikacyi hukazapisu 2012 hoda, u jakim fihurujuć biełaruskija śpiecsłužby.
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary