«Meta — złamać čałavieka». Byłyja źniavolenyja kałonii ŭ Pakrovie raspaviali pra ździeki z Alaksieja Navalnaha
Byłyja źniavolenyja PK-2 u rasijskim Pakrovie, dzie znachodzicca palitviazień Alaksiej Navalny, Naryman Asmanaŭ i Jaŭhien Burak raspaviali telekanału «Dožd́» pra ździeki, jakim padviarhaŭsia palityk u kałonii.
Asmanaŭ i Burak niekatory čas byli ŭ PK-2 u adnym atradzie z Navalnym, ale ŭžo vyjšli na volu. Pa słovach Asmanava, hety atrad byŭ śpiecyjalna sfarmiravany pierad prybyćciom Navalnaha ŭ kałoniju. Źniavolenym, pavodle jaho słoŭ, paviedamili, što ŭ ich 6-m atradzie «prarvała trubu» i ich pieravodziać u inšy atrad. U novym atradzie, raspavioŭ jon, «usio tolki što pafarbavana, u paradak pryvodzili ŭ śpiešcy».
Dalej, pa słovach Asmanava, z kožnym ź viaźniaŭ była praviedziena hutarka. «Mianie spytaŭ apieratyŭnik «Naryman, ty viedaješ, čamu ty zastaŭsia tut? «Ja kažu: «Napeŭna, Navalnaha siudy pryviaduć», — paviedamiŭ surazmoŭca «Doždia».
Z Navalnym, raspavioŭ jon, źniavolenym kantaktavać zabaranili, kab stvaryć palityku poŭnuju izalacyju. «My, naturalna, pakutavali razam ź im. Psichična ja da hetaha času nie adnaviŭsia, kali ščyra», — paskardziŭsia jon.
Sa słoŭ Asmanava, Navalny sprabavaŭ ź im zahavaryć, ale jon hetyja sproby spyniŭ, adnak usio ž adkazaŭ na pytańnie palityka, dzie na terytoryi kałonii «biaśpiečnaje miesca» (placoŭka dla zaniatkaŭ sportam).
Padčas haładoŭki, jakuju Navalny trymaŭ z 31 sakavika pa 23 krasavika, zajavili byłyja źniavolenyja, u kałonii ranicaj piakli «paŭmiecha kaŭbasy», kab pach prymusiŭ palityka spynić akcyju pratestu. Taksama pobač z palitykam pakłali źniavolenaha pa proźviščy Juščanka, jakoha potym zabrali ŭ sančastku i abviaścili, što ŭ jaho nibyta adkrytaja forma suchotaŭ. Pa słovach Asmanava, jamu ŭdałosia skazać Navalnamu, što heta pastanoŭka. Kali Navalnaha, jaki trymaŭ haładoŭku, pieraviali z kałonii ŭ balnicu, kiraŭnictva PK-2 padrychtavała film pra «nietradycyjnuju aryjentacyju» palityka. Film, raspavioŭ Jaŭhien Burak, jaki taksama byŭ u adnym atradzie z Navalnym, pakazali ŭ dzień naradžeńnia palityka, 4 červienia, paśla adboju.
Paśla taho, jak Navalny viarnuŭsia z balnicy ŭ kałoniju, jamu niekalki dzion śpiecyjalna pieraškadžali spać. Pa słovach Asmanava, na susiedni z Navalnym łožak pakłali źniavolenaha, jaki adnosicca da nižejšaj kasty ŭ turemnaj ijerarchii, jon «na niervach jamu hraŭ, vydajučy roznyja huki». «Śpiecyjalna jamu heta zrabili paśla balnicy, kab jon užo pastaleŭ. < … > Chto im nie schilajecca, u ich va ŭsich takaja meta varta — złamać čałavieka», - skazaŭ Asmanaŭ.
Źniavolenyja z atrada Navalnaha, pa słovach Asmanava i Buraka, akazvali cisk na palityka i inšymi sposabami, naprykład, pastajanna chadzili za im i zapisvali kožnaje pramoŭlenaje słova, kab potym pieradać supracoŭnikam kałonii. Palityka, pa ich słovach, pravakavali, kab jon užyŭ siłu, ale Navalny na heta nie paddaŭsia, tolki adzin raz skazaŭ: «Pryjdzie čas, vy budziecie ŭ akno ŭciakać».
U svaju čarhu členy Hramadskaj naziralnaj kamisii (HNK) pa Uładzimirskaj vobłaści zasumniavalisia ŭ praŭdzivaści apoviedaŭ byłych źniavolenych. «Mnie zdajecca, heta prosta razmovy. Ja prosta viedaju, pavodle apošniaj infarmacyi, što ŭsio ŭ jaho narmalna», — zajaviŭ člen AHNK Siarhiej Jažan.
Kamientary