Taki prysud byŭ vyniesieny siońnia sudździoj Viarchoŭnaha suda Iharam Lubavickim. Takim čynam, u palitviaźnia nie budzie mahčymaści abskardzić prysud.
Fota Rojterz.
Eks-kiraŭnika Biełhazprambanka Viktara Babaryku, jaki zajaviŭ, što idzie ŭ prezidenty, zatrymali 18 červienia minułaha hoda. Jaho abvinavacili ŭ atrymańni chabaru ŭ asabliva bujnym pamiery (č. 3 art. 430 KK) i ŭ lehalizacyi srodkaŭ, atrymanych złačynnym šlacham (č. 2 art. 235 KK). Babaryka svaju vinu nie pryznaŭ.
Prakuror prasiŭ pakarać jaho 15 hadami.
Fota Rojterz.
Inšyja fihuranty spravy pryznali svaju vinu. Byłyja top-mieniedžary Biełhazprambanka atrymali nastupnyja terminy: Siarhiej Šaban — 6 hadoŭ pazbaŭleńnia voli, Dźmitryj Kuźmič — 6,5 hadoŭ, Alaksandr Iljasiuk, Siarhiej Dabralot, Kirył Badziej pa piać z pałovaj hoda. Saŭładalnik i kiraŭnik kampanii «Aktyŭlizinh» Viktar Kabiak — try hady.
Były namieśnik Babaryki Alaksiej Zadojka atrymaŭ 5 hadoŭ chatniaj chimii.
Sud nad Viktaram Babarykam i top-mieniedžarami Biełhazprambanka pačaŭsia ŭ lutym.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary