«BiełAES dazvolić zamiaścić kala 4,5 miljarda kubamietraŭ hazu, impartavanaha z Rasii» — namieśnik ministra enierhietyki
Biełaruskaja atamnaja elektrastancyja dazvolić zamiaścić kala 4,5 młrd kubamietraŭ pryrodnaha hazu, jaki impartujecca ŭ našu krainu z Rasii. Pra heta ŭ efiry telekanała ANT zajaviŭ namieśnik ministra enierhietyki Biełarusi Dzianis Maroz.
Pavodle słoŭ namieśnika ministra, BiełAES budzie vypracoŭvać kala 40% elektraenierhii dla patreb Biełarusi, što składaje kala 18,5 młrd kiłavat hadzin.
— Takaja kolkaść elektraenierhii dazvolić zamiaścić kala 4,5 młrd kubamietraŭ pryrodnaha hazu, impartavanaha z Rasii, a akramia taho — skaracić na 7 młn t vykidy parnikovych hazaŭ u atmaśfieru, — zajaviŭ Maroz.
Taksama namieśnik ministra enierhietyki padkreśliŭ, što technałohii atamnaj stancyi buduć vykarystoŭvacca «i ŭ pramysłovaści, i ŭ miedycynie, i ŭ adukacyi, i ŭ mnohich inšych halinach Biełarusi».
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj11
Kamientary