«Heta moža kvalifikavacca jak terarystyčny akt». Mižnarodnyja reakcyi na prymusovuju pasadku ŭ Minsku samalota Ryanair
Praciahvajuć pastupać mižnarodnyja reakcyi na prymusovuju pasadku ŭ Miensku samalota avijakampanii Ryanair. Apazycyjny aktyvist Raman Pratasievič, jaki lacieŭ hetym rejsam, byŭ aryštavany ŭ Miensku, piša Radyjo Svaboda.
Staršynia Eŭrakamisii Ursula fon der Lajen:
«Absalutna nieprymalna prymušać da pasadki ŭ Miensku rejs Ryanair z Atenaŭ u Vilniu. USIE pasažyry musiać nieadkładna atrymać mahčymaść praciahvać palot u Vilniu, ich biaśpieka musić być harantavanaja.
Luboje parušeńnie mižnarodnych praviłaŭ avijapieravozak musić ciahnuć za saboj nastupstvy».
It is utterly unacceptable to force @Ryanair flight from Athens to Vilnius to land in Minsk.
ALL passengers must be able to continue their travel to Vilnius immediately and their safety ensured.
Any violation of international air transport rules must bear consequences.
Kiraŭnik dyplamatyčnaj słužby EZ Žuzep Burel:
«My ŭvažliva sočym za padziejami vakoł siońniašniaha rejsu Ryanair z Atenaŭ u Vilniu, jaki byŭ prymusova pasadžany ŭ Miensku z pryčyny mierkavanaj pahrozy biaśpiecy. Heta absalutna niedapuščalna. My ličym ułady Biełarusi adkaznymi za biaśpieku ŭsich pasažyraŭ i samalota. USIE pasažyry musiać atrymać mahčymaść nieadkładna praciahvać padarožža».
Closely following developments around today's @Ryanair flight from Athens to Vilnius, which was forced to land in Minsk over an alleged security threat.
This is totally inadmissible. (1/2)
Sustaršynia Eŭrapiejskaj rady mižnarodnych dačynieńniaŭ, były ministar zamiežnych spravaŭ Švecyi Karł Bilt:
«Nastaŭ čas Eŭraźviazu ŭžyć u dačynieńni da Biełarusi «movu siły». Dziaržaŭnaje piractva ŭ pavietry pamiž stalicami krainaŭ Eŭraźviazu absalutna niedapuščalnaje».
Now it's high time for to “speak the language of power” towards Belarus. State piracy of flights between capitals is beyond unacceptable.
Prezydent Litvy Hitanas Naŭsieda vystupiŭ z zajavaj z nahody siońniašniaha zdareńnia:
«Siońnia pasažyrski samalot, jaki lacieŭ u Vilniu, byŭ prymusova pasadžany ŭ Miensku paduładnaj biełaruskamu režymu słužbaj. Pavodle pieršapačatkovych źviestak, siły biełaruskaha režymu zatrymali pradstaŭnika biełaruskaj apazycyi Ramana Pratasieviča, jakomu ŭ Litvie dadzieny prytułak i jaki lacieŭ u Vilniu.
Ja patrabuju, kab biełaruski režym nieadkładna vyzvaliŭ zatrymanaha i dazvoliŭ jamu, jak i ŭsim astatnim pasažyram samalota, praciahvać rejs u Vilniu. Ja zaklikaju sajuźnikaŭ u NATO i EZ nieadkładna adreahavać na pahrozu, jakuju biełaruski režym stvaraje mižnarodnaj hramadzianskaj avijacyi. Mižnarodnaja supolnaść pavinna pryniać nieadkładnyja zachady, kab praduchilić paŭtareńnie padobnych incydentaŭ. Ja budu havaryć pra heta na Eŭrapiejskaj radzie, jakaja pačniecca zaŭtra ŭ Bruseli», — napisaŭ prezydent Litvy.
Raniej jon napisaŭ u Tvitery:
«Biesprecedentnaje zdareńnie! Cyvilny pasažyrski samalot, jaki lacieŭ u Vilniu, byŭ prymusova pasadžany ŭ Miensku. Biełaruski palityčny aktyvist byŭ na borcie. Jon aryštavany. Za hetaj ahidnaj akcyjaj staić biełaruski režym. Patrabuju nieadkładnaha vyzvaleńnia Ramana Pratasieviča!»
Unprecedented event! A civilian passenger plane flying to Vilnius was forcibly landed in #Minsk. Belarusian political activist & founder of @NEXTA_EN was on the plane. He is arrested. regime is behind the abhorrent action. I demand to free Roman Protasevič urgently!
Ministar zamiežnych spravaŭ Litvy Habryjelus Łandśbierhis napisaŭ u Fejsbuku:
«Tryvožnyja naviny pra prymusovuju pasadku ŭ Miensku mižnarodnaha rejsu z Atenaŭ u Vilniu. My pracujem ź mižnarodnymi partnerami, kab harantavać biaśpiečnaje viartańnie ŭsich padarožnikaŭ u Vilniu».
Z nahody incydentu vykazaŭsia i były ministar zamiežnych spravaŭ Litvy, ambasadar dla asablivych daručeńniaŭ Linas Linkiavičus:
«Usia hetaja nieabdumanaja i niezakonnaja «aperacyja» specsłužbaŭ biełaruskaha režymu zasłuhoŭvaje mocnaha adkazu, a nia tolki asudžeńnia. Niemahčyma karystacca pavietranaj prastoraj, jakuju kantralujuć režymnyja złačyncy».
It just turned out that Pratasevich was detained at #Minsk airport. All this reckless and lawless ‘operation' by special services deserves strong response, not just condemnation. One can't use airspace controlled by regime criminals. https://t.co/j30liwxT1A
MZS Ukrainy:
«Čarhovy raz tryvožnyja naviny ź Biełarusi. Hetym razam u Miensku zatrymany biełaruski žurnalist Raman Pratasievič. Čarhovaja ataka na svabodu słova z boku biełaruskaj ułady. patrabujem nieadkładnaha vyzvaleńnia».
Lider Eŭrapiejskaj narodnaj partyi Donald Tusk:
«Łukašenka staŭ pahrozaj nia tolki dla hramadzianaŭ svajoj krainy, ale taksama dla mižnarodnaj biaśpieki. Jahony akt dziaržaŭnaha teraryzmu patrabuje nieadkładnaj i rašučaj reakcyi ŭsich eŭrapiejskich uradaŭ i instytucyjaŭ».
Łukaszenka stał się zagrożeniem nie tylko dla obywateli swojego kraju, ale także dla bezpieczeństwa międzynarodowego. Jego akt państwowego terroryzmu wymaga natychmiastowej i zdecydowanej reakcji wszystkich europejskich rządów i instytucji.
Žurnalist Bellingcat Chrysta Hrozieŭ daŭ svoj kamentar pra zdareńnie
«Heta surjoznaje parušeńnie Čykahskaj kanvencyi ab mižnarodnaj hramadzianskaj avijacyi i moža kvalifikavacca jak terarystyčny akt, jaki stavić pad pahrozu sotni žyćciaŭ na borcie i na ziamli.
Kali da hetaha času Biełaruś nie była paŭnavartasnaj dziaržavaj-izhojem, to ciapier jana, biezumoŭna, stała joj. Iran i Paŭnočnaja Kareja nie advažylisia b na taki krok».
MZS Aŭstryi:
«Tryvožnyja paviedamleńni pra samalot Ryanair, jaki byŭ pieranakiravany ŭ Miensk. Usim pasažyram musić być dazvolena praciahvać ich palot, nam patrebnaje niezaležnaje mižnarodnaje raśśledavańnie hetaha incydentu. My patrabujem nieadkładnaha vyzvaleńnia aktyvista Ramana Pratasieviča».
Kamientary